នៅចាំទេ? មោទកភាពណាស់ ឥស្សរជនមេដឹកនាំពិភពលោកទាំងនេះ បានមកទស្សនាប្រាសាទអង្គរវត្តកម្ពុជា

រាជធានីភ្នំពេញ៖ មហាជនគ្រប់គ្នាជ្រាបហើយ រឿងរ៉ាវដ៏ក្តៅគគុកនៅលើបណ្តាញសង្គម ដែលទាក់ទិនការសាងសង់ប្រាសាទរបស់ថៃ មានលក្ខណៈបែបបទ ត្រូវបានមហាជនគ្រប់មជ្ឈដ្ឋាន​ចោទថា​ បានលួចចម្លងតាមរចនាបថគំរូរបស់ខ្មែរ។ ក្នុងនោះ គេសង្កេតឃើញមានការសម្តែងរិះគន់ចំពោះទង្វើរបែបនេះរបស់ភាគីថៃ ដែលតែងតែចិញ្ចឹមចិត្តចង់បានសម្បត្តិបេតិកភណ្ឌរបស់កម្ពុជា គ្រប់រូបភាព ពោលគឺប្រាសាទអង្គរនេះតែម្តង ដែលជាប្រធានបទក្តៅគគុក​ ក្នុងចំណោមប្រជាជនកម្ពុជាតែម្តង។

គួររំលឹកផងដែរប្រាសាទអង្គរវត្ត គឺជាប្រាសាទបុរាណត្រូវបានកសាងឡើងក្នុងខេត្តសៀមរាប នៅដើមសតវត្សទី១២ ដែលផ្តើមកសាងដោយ ព្រះមហាក្សត្រខ្មែរ ព្រះបាទសូរ្យវរ្ម័នទី២ និង​បានក្លាយជាសម្បត្តិបេតិកភណ្ឌរបស់មនុស្សជាតិដែលមានតែមួយគត់ ដែលត្រូវបានអង្គការយូនេស្កូ (UNESCO) ដែលត្រូវបានចុះក្នុងបញ្ជីបេតិកភណ្ឌពិភពលោកជាសម្បត្តិវប្បធម៍រូបី​ នៅថ្ងៃទី ១៤ ខែធ្នូ ឆ្នាំ១៩៩២។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមប្រភពពីសារព័ត៍មាន Xihua របស់ចិន បានឱ្យដឹងថា ឧទ្យានបុរាណជាតិអង្គរវត្ត ទទួលបានភ្ញៀវទេសចរណ៍ ២,២ លាននាក់ នៅឆ្នាំ២០១៩។  ក្រៅពីភ្ញៀវទេសចរណ៍មកពីជុំវិញពិភពលោក គេក៏សង្កេតឃើញមាន ឥស្សរជននយោបាយ មេដឹកនាំពិភពលោក ផងដែរ ដែលបានមកបំពេញទស្សនកិច្ចនៅកម្ពុជា ហើយថែមទាំងបានឆ្លៀតពេលមកធ្វើទស្សនកិច្ចនៅប្រាសាទអង្គរវត្ត។

តួយ៉ាង ឥស្សរជន ទាំងនោះរួមមានដូចជា៖ 

១. លោក Bill Clinton ប្រធានាធិបតីអាមេរិក

២. លោកស្រី Michelle Obama ភរិយារបស់អតីតប្រធានធិបតីសហរដ្ឋអាមេរិក Barack Obama

៣. លោក Hu Jintao ប្រធានាធិបតីនៃសាធារណរដ្ឋប្រជាមានិតចិន

៤.​ លោក Dmitry Medvedev អតីតប្រធានធិបតី សហព័ន្ធរុស្ស៊ី

៥. លោក Moon Jae In ប្រធានធិបតី​បច្ចុប្បន្ននៃប្រទេសកូរ៉េខាងត្បូង

៦. លោក Lee Myung Bak អតីតប្រធានធិបតីកូរ៉េខាងត្បូង

៧. លោក​ Thanksin Shinawatra អតីតនាយករដ្ឋមន្រ្តីនៃព្រះរាជាណាចក្រថៃឡង់ដ៍

៨. លោក​ស្រី Hillary Clinton អតីតរដ្ឋមន្ត្រីក្រសួងការបរទេសសហរដ្ឋអាមេរិក

៩. លោក Jack Ma មហាសេដ្ឋីប្រទេសចិន

១០. លោក  Mark Zuckerberg និង ភរិយា ស្ថានិកក្រុមហ៊ុន​ហ្វេសប៊ុក