រឿងអីដែល ពៅ លីដា មិនស្អាត មើលតែម្ដាយនាងចុះក្មេងស្អាតមិនចាញ់កូនស្រីទេ

ភ្នំពេញ៖ តារាសម្ដែងស្រីសាច់ចាំកញ្ញា ពៅ លីដា ទោះបានឈានជើងចូលប្រឡូកក្នុងវិស័យសិល្បៈច្រើនឆ្នាំ តែរូបសម្ផស្សនាងហាក់ដូច មិនព្រមប្រែប្រួលទៅតាមវ័យទាល់តែសោះ នៅតែក្មេងស្អាតដដែល។ ម្យ៉ាងវិញទៀត មិនត្រឹមតែមុខមាត់ស្បែកប៉ុណ្ណោះទេ ដែលមានភាពទាក់ទាញតែ បើក្រឡេកមើលការតុបតែងខ្លួន ក៏ទាន់សម័យមិនចាញើក្មេងជំនាន់ក្រោយឡើយ។

យ៉ាងណាមិញ បើក្រឡេកមើលការងារសិល្បៈវិញ ឃើញថាតារារូបនេះ កាន់តែមានភាពមមាញឹកជាមួយការងារសិល្បៈសឹងគ្មានពេលទំនេរតែម្ដង។ ពិតណាស់ ទោះបីវ័យកាន់តែជ្រេ តែគ្រប់សាច់រឿងដែលតារាស្រីរូបនេះបានសម្ដែង សុទ្ធសឹងតែជាតួសំខាន់ ដែលដើរជាតួឯកស្រីផងដែរ។ ក្នុងនោះដែរ ងាកទៅមើលជីវិតឯកជនវិញ កញ្ញា ពៅ លីដា កំពុងរស់នៅយ៉ាងមានក្ដីសុខជាមួយគ្រួសារ ហើយមិនទាន់គិតគូររឿងយកគូស្រករនោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ប្រិយមិត្តធ្លាប់តែឃើញសម្រស់កញ្ញា ពៅ លីដា ហើយសរសើរថាស្អាត តែបើមើលទៅលើរូបសម្ផស្សម្ដាយបង្កើតរបស់នាងក៏មិនណយប៉ុន្មាននោះទេ។ បើមើលតាមរូបភាពដែលតារារូបនេះទើបនឹងបង្ហោះ ឃើញថាម្ដាយតារារូបនេះ នៅតែក្មេង សាច់ចាំមិនចាញ់កូនស្រីឡើយ។ ជាពិសេស ពេលអ្នកម្ដាយតារាសម្ដែងរូបនេះតុបតែងខ្លួនក៏ខ្ញង់សាកសមតាមវ័យ គួរឲ្យសរសើរ៕

សូមទស្សនារូបភាពខាងក្រោម៖

• ពៅ លីដា
• រូបភាព
• តារាខ្មែរ