សរសើរណាស់! ក្រុមគ្រូពេទ្យខេត្តកោះកុង បានជួយសម្រាលកូនឱ្យស្រ្តីវិជ្ជមានកូវីដ១៩ ចំនួន០១នាក់ទៀតហើយ

កោះកុង៖​ នាពេលថ្មីៗនេះ ក្រុមគ្រូពេទ្យខេត្តកោះកុង បានធ្វើការជួយសម្រាលកូនឱ្យស្រ្តីវិជ្ជមានកូវីដ១៩ ចំនួន០១នាក់ទៀតហើយ ដែលនេះជាទឹកចិត្តដ៏ល្អប្រពៃរបស់ក្រុមគ្រូពេទ្យផងដែរ។

ដោយឡែក នៅវេលាកណ្តាលអធ្រាត ថ្ងៃសៅរ៍នេះ ក្រុមគ្រូពេទ្យផ្នែកសម្ភព នៃមន្ទីរពេទ្យខេត្តកោះកុង បានសហការគ្នា ជាមួយក្រុមគ្រូពេទ្យក្រុមគ្រូពេទ្យព្យាបាលជំងឺកូវីដ ជួយសម្រាលកូនឱ្យស្រ្តីវិជ្ជមានកូវីដ១៩ ចំនួន០១នាក់ទៀត បានដោយជាគជ័យ ដែលនេះជាករណីទី៧ហើយ ដែលមានករណីស្ត្រីវិជ្ជមានកូវីដ១៩ សម្រាលកូននៅក្នុងមន្ទីរពេទ្យ បន្ទាប់ពីបានសម្រាលកូនករណីទី០៦កាលពីថ្ងៃទី០៩ ខែកក្កដា ឆ្នាំ២០២១ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទោះជាបច្ចុប្បន្នថ្នាក់ដឹកនាំ និងក្រុមគ្រូពេទ្យកំពុងមមាញឹកក្នុងបេកកម្មក្នុងការបង្ការ ទប់ស្កាត់ និងថែទាំ ព្យាបាលអ្នកជំងឺកូវីដ១៩ ជាច្រើននាក់ និងមានមន្ត្រីសុខាភិបាលយើងមួយចំនួនបានឆ្លងជំងឺនេះ ក៏ក្រុមគ្រូពេទ្យយើងនៅតែប្តេជ្ញាខិតខំប្រឹងប្រែងបំពេញកាតព្វកិច្ចនេះឱ្យអស់លទ្ធភាព និងបន្តបេសកកម្មនេះបន្តទៅទៀត ។

យ៉ាងណាមិញ សូមថ្លែងអំណរគុណចំពោះក្រុមគ្រូពេទ្យ ផ្នែកសម្ភព និងក្រុមគ្រូពេទ្យជួរមុខយើងដែលបានខិតខំប្រឹងប្រែងបំពេញកាតព្វកិច្ចប្រកបដោយឆន្ទ: និងការទទួលខុសត្រូវខ្ពស់ ទោះជាត្រូវប៉ះពាល់ប្រឈមរាប់ម៉ោងទៅនឹងជំងឺឆ្លងដែលគ្រប់គ្នាខ្លាចរអារយ៉ាងណាក៏ដោយ ៕

ប្រភព៖មន្ទីរពេទ្យខេត្តកោះកុង

សូមចូលទស្សនារូបភាពខាងក្រោម៖