Fan Bingbing បង្ហាញទឹកមុខស្រស់ស្រាយឡើងវិញ ក្រោយឈ្នះក្ដី

ចិន៖ ក្នុងរយៈពេលចុងក្រោយមកនេះ ឃើញថា តារាស្រី Fan Bingbing ហាក់មានការអត់ធ្មត់យ៉ាងខ្លាំងទៅលើភាពអយុត្តិធម៌ជាច្រើន ដែលអ្នកសរសេរប្លុកបានបង្កើតជារឿងរ៉ាវមិនសមហេតុផល។

ហើយអ្វីដែលគួរឱ្យកត់សម្គាល់ខ្លាំងនោះ គឺជាពាក្យចចាមអារ៉ាមទាក់ទងនឹងជីវិតឯកជនរបស់នាង ដែលត្រូវបានគេនិយាយថា មានការរំលូតកូននៅពេលណាត់ជួបជាមួយបុរសអ្នកមានម្នាក់ ព្រមទាំងត្រូវបានចិញ្ចឹមធ្វើជាប្រពន្ធចុង ដែលបានធ្វើឲ្យមានផលប៉ះពាល់យ៉ាងធ្ងន់ធ្ងរ ទៅលើរូបភាពកេរ្តិ៍ឈ្មោះរបស់តារាស្រីរូបនេះ រហូតដល់នាងបានដាក់ពាក្យប្ដឹងតុលាការ និងឲ្យអ្នកប្រឌិតរឿងនេះ ត្រូវបង់ប្រាក់សំណងរួមទាំងធ្វើការសុំទោសជាសាធារណៈ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ បន្ទាប់ពីរឿងអាស្រូវនេះបានបញ្ចប់ទៅ គេហទំព័រ QQ បានរាយការណ៍ថា ថ្មីៗនេះ Fan Bingbing បានបង្ហោះរូបថតជាច្រើនសន្លឹក ដែលជាស៊េរីចុងក្រោយ បង្ហាញឲ្យឃើញពីរូបសម្រស់របស់នាង ក្នុងវ័យ ៣៩ ឆ្នាំ។មិនត្រឹមតែប៉ុណ្ណោះ តាមរយៈរូបភាពទាំងនេះ បានបង្ហាញឲ្យអ្នកគាំទ្រជាច្រើន បានឃើញពីការតុបតែងខ្លួនយ៉ាងស្អាត មុខមាត់ដ៏ស្រស់ស្រាយ និងអារម្មណ៍រីករាយរបស់នាងសាជាថ្មី ក្រោយពីមានផលប៉ះពាល់ពីពាក្យចចាមអារ៉ាមមិនល្អនៅលើបណ្តាញសង្គមទេ។ 

ជាពិសេស Fan Bingbing ក៏ទទួលបាននូវការសរសើរពីមនុស្សជាច្រើន ទៅលើរូបរាងស្លីមស្អាត មានភាពទាក់ទាញ និងមានការថែរក្សាខ្លួន ឲ្យកាន់តែមានរូបភាពល្អឥតខ្ចោះ ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន