សោកស្តាយ! ព្រឹទ្ធចារ្យ ស្លៃម៉ាន សាលីម គ្រូបង្វឹកកីឡាបាល់ទាត់ជម្រើសជាតិកម្ពុជា បានទទួលមរណភាពហើយ ដោយរោគាពាធ​

ខេត្តកោះកុង៖ លោកគ្រូព្រឹទ្ធាចារ្យ ស្លៃម៉ាន សាលីម បានទទួលមរណភាពហើយនៅថ្ងៃទី១០ ខែកក្កដា ឆ្នាំ២០២១ ដោយសារជំងឺរោគាពាធ។ នេះបើតាមសាររំលែកទុក្ខរបស់ក្លិបកីឡាបាល់ទាត់កោះកុង និង សហភាពព័ន្ធយុវជនកម្ពុជា។

គួររំលឹកផងដែរថា លោក ស្លៃម៉ាន សាលីម គឺជាកីឡាករនៅក្នុងចំណោមកីឡាករបាល់ទាត់កម្ពុជាដ៏ឆ្នើមមួយរូប កាលពីអតីតកាល។ ដោយលោក ធ្លាប់ជាប់ឈ្មោះជាកីឡាករខ្មែរ ដែលបានស៊ុតបាល់បញ្ចូលទី លើក្រុមជម្រើសជាតិអ៊ីរ៉ង នៅវគ្គពាក់កណ្តាលផ្តាច់ព្រ័ត្រ Asia Cup ដែលប្រព្រឹត្តិឡើងនៅទីក្រុងបាងកក ប្រទេសថៃ នៅឆ្នាំ១៩៧២ ដោយពេលនោះ អ៊ីរ៉ង ឈ្នះកម្ពូជា ២-១។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មួយវិញទៀត លោក ស្លៃម៉ាន សាលីម ក៏ធ្លាប់ជាអតីត​ប្រធានការិយាល័យ យុវជន និងកីឡា នៃមន្ទីរអប់រំ យុវជន និង កីឡា ខេត្តកោះកុង ហើយលោកថែមទាំងជាគ្រូបង្វឹកដឹកនាំក្រុមខេត្តកោះកុង ពីឆ្នាំ១៩៩០ ដល់ឆ្នាំ២០០៦៕