ជំងឺមហារីកស្បែកក្រោមក្រចក កម្រកើតតែក៏គ្រោះថ្នាក់!

ជំងឺមហារីកស្បែកប្រភេទMelanomas ជាទូទៅវិវត្តនៅត្រង់ផ្នែកនៃរាងកាយដែលបានប៉ះពាល់ខ្លាំងទៅនឹងពន្លឺព្រះអាទិត្យ ដូចជាទ្រូង មុខ ខ្នង ជើង ត្រចៀក និងដៃ។ ប៉ុន្តែគ្នាយើងធ្លាប់ដឹងទេថា ជំងឺមហារីកស្បែកប្រភេទនេះ ក៏អាចកើតមាននៅក្រោមក្រចកដែរ? ទោះបីនេះជាករណីកម្រ តែវាក៏មានប្រហែល២ភាគរយក្នុងចំណោមអ្នកកើតមហារីកស្បែកនេះ។

Melanoma ជាប្រភេទជំងឺ មហារីកស្បែកមួយប្រភេទដែលមានសភាពគ្រោះថ្នាក់ កើតក្នុងកោសិកាផលិតជាតិមេឡានីន ដែលជាធាតុផ្ដល់ពណ៌ទៅដល់ស្បែក។ មូលហេតុបង្កជំងឺមហារីកប្រភេទនេះនៅមិនទាន់ដឹងច្បាស់នៅឡើយ ប៉ុន្តែការប៉ះពាល់ទៅនឹងកាំរស្មីព្រះអាទិត្យច្រើន បង្កើនហានិភ័យកើតជំងឺមួយនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. រោគសញ្ញា

ជំងឺមហារីកស្បែកក្រោមក្រចក ភាគច្រើនកើតលើក្រចកដៃ ច្រើនជាងក្រចកជើង និងអាចធ្វើរោគវិនិច្ឆ័យឃើញច្រើននៅមេដៃ និងមេជើង។

មហារីកស្បែកនៅក្រោមក្រចក ជាធម្មតាមានលេចចេញពណ៌ត្នោត ឬខ្មៅនៅក្រោមក្រចក។ ជាទូទៅ ដុំខ្មៅនេះនឹងរាលដាលបន្តិចម្ដងៗ និងមានទំហំកាន់តែធំ ដែលអាចធំជាង៣មិល្លីម៉ែត្រ។ ខុសពីការឆ្លងរោគ ឬរងរបួសនៅក្រចក មហារីកស្បែកក្រោមក្រចក ជាទូទៅនឹងមានផលប៉ះពាល់លើក្រចកម្ដងមួយៗ។

រោគសញ្ញាផ្សេងទៀតមានដូចជា៖

ក្រចករបើកចេញពីសាច់
ក្រចកស្រួយ និងងាយបាក់
មានសភាពហើមនៅក្រោមក្រចក
ស្បែកនៅក្បែរក្រចកចាប់ផ្ដើមឡើងខ្មៅ

ក្នុងករណីសង្ស័យថាក្រចកមានបញ្ហាដែលយើងមិនអាចកំណត់ថាជារបួស ឬក៏ឆ្លងរោគ គ្នាយើងគួរជួបពិភាក្សាជាមួយគ្រូពេទ្យ។ អ្នកដែលប្រឈមនឹងជំងឺនេះជាទូទៅគឺមនុស្សមានវ័យលើសពី៥០ឆ្នាំ និងអ្នកមានប្រវត្តិគ្រួសារកើតជំងឺមហារីកស្បែក ជាដើម។

២. វិធីការពារ

ដោយសារតែមូលហេតុបង្កជំងឺមហារីកស្បែកក្រោមក្រចកនេះមិនទាន់ដឹងច្បាស់លាស់ មានន័យថាអ្នកជំងឺមិនអាចដាក់ចេញវិធានការជាក់លាក់ដើម្បីការពារនោះទេ។ យ៉ាងណា ព្រោះតែជំងឺនេះអាចកើតចេញពីរបួសលើក្រចកដៃ និងក្រចកជើង គ្នាយើងគួរតែប្រើស្រោមដៃការពារដៃពេលធ្វើការងារធ្ងន់ និងពាក់ឧបករណ៍ការពារក្រចកជើងពេលយើងលេងកីឡា។

ការរកឃើញជំងឺនេះបានលឿន គឺជារឿងសំខាន់ក្នុងការព្យាបាលជំងឺមហារីកស្បែកក្រោមក្រចកនេះ។ ដូចនេះហើយ យើងគួរពិគ្រោះជាមួយគ្រូពេទ្យពេលឃើញការប្រែប្រួលកើតមានលើក្រចក ដែលគួរឲ្យបារម្ភ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ជំងឺមហារីកស្បែកក្រោមក្រចក កម្រកើតតែក៏គ្រោះថ្នាក់!

១. រោគ​សញ្ញា​

២. វិធី​ការពារ​

In Case You Missed It

១. រោគសញ្ញា

២. វិធីការពារ