ឃើញហើយ រំជួលចិត្ត! បងៗទាហាន ចុះជួយសម្រួលដល់បងប្អូនជនពិការ ក្នុងចាក់វ៉ាក់សាំងការពារកូវីដ១៩

ខេត្តបន្ទាយមានជ័យ៖ ជំងឺកូវីដ១៩ បាននឹងកំពុងវាយប្រហារប្រទេសកម្ពុជា នៅទូទាំងប្រទេស២៥ ខេត្តក្រុង ហើយមើលទៅហាក់ដូចជាស្រាកស្រាន្តឡើយ។

ក្នុងនោះ គេសង្កេតឃើញមានក្រុមគ្រូពេទ្យអាវសជួរមុខ បានខិតខំប្រឹងក្នុងការប្រយុទ្ធប្រឆាំងស្ត្រីមើលមិនឃើញនេះ ដោយពួកគាត់លះបង់ពេលវេលាសប្បាយរីករាយសេចក្តីសុខផ្ទាល់ខ្លួនជាមួយគ្រួសារ មកជួយប្រទេសជាតិ ដែលកំពុងមានទុក្ខនៅក្នុងគ្រាដ៏លំបាកនៃការរីករាលដាលនៃជំងឺកូវីដ១៩ នៅក្នុងប្រទេសកម្ពុជា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ក្រៅពីក្រុមគ្រូពេទ្យ គេក៏សង្កេតឃើញមាន ក្រុមបងប្អូនទាហាន ដែលជាកម្លាំងដ៏ធំមួយផងដែរ ក្នុងការប្រឈមមុខជាមួយវីរុសកំណាចកូវីដ១៩ នៅជួរក្រោយនៃសរភូមិ ប្រយុទ្ធប្រឆាំងនឹងការរាតត្បាតនៃជំងឺកូវីដ១៩។

យោងតាមរូបភាពប៉ុន្មានសន្លឹក ត្រូវបានបង្ហោះនៅលើគេហទំព័រហ្វេសប៊ុករបស់ទូរទស្សន៍ជាតិកម្ពុជា ដែលក្រុមទាហាន កងពលតូចថ្មើរជើងលេខ៥១ បានជួយបងប្អូនប្រជាពលរដ្ឋដែលមានបញ្ហាកាយសម្បទាន ជនពិការ  ដែលអញ្ជើញចូលរួមចាក់វ៉ាក់សាំងការពារកូវីដ១៩ ក្នុងក្រុងសិរីសោភ័ណ ខេត្តបន្ទាយមានជ័យ។ ឃើញរូបនេះហើយពិតជាគួរឱ្យអាណិតសរសើរទឹកចិត្ត បងៗយោធា ដែលបានលះបង់កម្លាំងកាយចិត្តក្នុងការចូលរួមជួយទុក្ខធុរៈប្រជាជន ក្នុងគ្រាដែលប្រទេសកម្ពុជា កំពុងប្រឈមនឹងការកើនឡើងនៃករណីឆ្លងកូវីដ១៩ នៅក្នុងសហគមន៍៕