ម៉ាក់ៗ Goal! កូននៅតូចសោះ Cardi B ជះលុយរាប់សែនដុល្លារ ទិញខ្សែកពេជ្រ ជាកាដូថ្ងៃកំណើត

បរទេស៖ កាលពីថ្ងៃទី ១២ ខែកក្កដា ម្សិលមិញនេះ តារារ៉េបស្រី Cardi B និងស្វាមី Offset បានរៀបចំធ្វើកម្មវិធីខួបកំណើតឲ្យកូនស្រីច្បងរបស់ពួកគេ យ៉ាងអធិកអធម និងមានអ្នកចូលរួមជាច្រើន បង្កើតបានជាបរិយាកាសយ៉ាងសប្បាយរីករាយខ្លាំងតែម្ដង។

ទន្ទឹមនឹងនេះ អ្វីដែលធ្វើឲ្យគ្រប់គ្នាមានការស្រឡាំងកាំង និងភ្ញាក់ផ្អើលស្ទើរនឹកស្មានមិនដល់នោះ គឺតារាស្រីរូបនេះ បានទិញកាដូជូនកូនស្រីរបស់នាងជាមួយនឹងខ្សែកពេជ្រយ៉ាងស្រស់ស្អាតខ្លាំងតែម្ដង។ ដោយក្នុងនោះ បើយោងតាមកាសែត The Cut បានឲ្យដឹងថា ខ្សែកមួយនេះ ត្រូវបានរចនាឡើងតាមការពេញចិត្តរបស់កូនស្រីវ័យ ៣ឆ្នាំរបស់នាងផ្ទាល់តែម្ដង។ ហើយបើនិយាយពីតម្លៃវិញ វាមានតម្លៃរហូតទៅដល់ ២៥០០០០ ដុល្លារឯណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំឮកផងដែរថា ជារឿយៗ Cardi B តែងតែចំណាយលុយជាច្រើន ទិញរបស់របរប្រ៊េនៗឲ្យកូនស្រីរបស់នាងជាញឹកញាប់ ដូចជាកាបូប សម្លៀកបំពាក់ជាដើម ដែលរបស់ទាំងនោះសុទ្ធសឹងតែមានតម្លៃថ្លៃៗខ្លាំងមិនណយនោះឡើយ៕

ទស្សនារូបភាពខាងក្រោម៖

• រូបភាព
• តារាអន្តរជាតិ