លេងខ្លួនស្អាតហើយ តែ Dilraba បែរជាបិទបាំងកន្លែងមួយនេះ ខណៈកំពុងមានពាក្យចចាមអារ៉ាមអាក្រក់ៗ

ចិន៖ ថ្មីៗនេះ យោងតាមទំព័រ Sohu បានរាយការណ៍ថា នៅល្ងាចថ្ងៃទី ១៣ ខែកក្កដា តារាស្រី Dilraba បានទទួលការអញ្ជើញឲ្យចូលរួមព្រឹត្តិការណ៍ផ្សាយបន្តផ្ទាល់ផ្សព្វផ្សាយផលិតផលទឹកដោះគោ ដែលនេះគឺជាលើកទីមួយហើយ ក្នុងពេលដែលរូបនាង បានលេចមុខចំពេលកំពុងមានពាក្យចចាមអារ៉ាមអំពីការរំលូតកូន និងការរៀបការដោយសម្ងាត់។ 

យ៉ាងណាមិញ ការបង្ហាញខ្លួននៅក្នុងព្រឹត្តិការណ៍មួយនេះ Dilraba បានលេងខ្លួនព្រមជាមួយនឹងសម្លៀកបំពាក់បញ្ចេញស្មាយ៉ាងទាក់ទាញ និងមានកាយវិការដ៏លេចធ្លោថែមទៀត។ តែទោះជាយ៉ាងណាក៏ដោយ នៅក្នុងនោះ ត្រូវបានមនុស្សជាច្រើនមើលឃើញថា នាងមានភាពឆ្គាំឆ្គងក្នុងពេលដែលនាងបានយកសក់មកគ្របដណ្តប់លើភ្នែករបស់នាងជានិច្ច។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ជាមួយនឹងភាពខុសប្លែកបែបនេះ តារាស្រី Dilraba ក៏បានចែករំលែកពីព័ត៌មានដើម្បីបញ្ជាក់ពីបញ្ហានេះ ដោយបានបង្ហើបថា ភ្នែកខាងឆ្វេងរបស់នាងមានបញ្ហា និងមានសភាពហើម ដូច្នេះ នាងបានព្យាយាមគ្របវាជាមួយនឹងសក់ ដែលធ្វើឲ្យអ្នកគាំទ្រជាច្រើនបង្ហាញពីការព្រួយបារម្ភ និងសង្ឃឹមថា នាងនឹងឆាប់ជាសះស្បើយ ផងដែរ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន