ចេះតែចុងឆ្អល់ចុងដង្ហើម ចង្អោរ ឬក្អួត អាចជារោគសញ្ញាជំងឺរលាកក្រពះ។ ជំងឺរលាកក្រពះ គឺជាការរលាកនៅជញ្ជាំងក្រពះ ដែលការរលាកនេះច្រើនកើតពីការឆ្លងបាក់តេរីដែលបង្កឲ្យមានជំងឺដំបៅក្រពះ។ ការប្រើប្រាស់ថ្នាំបំបាត់ការឈឺចាប់ជាប្រចាំ ឬផឹកគ្រឿងស្រវឹងច្រើនហួសប្រមាណអាចជាមូលហេតុបង្កឲ្យមានជំងឺរលាកក្រពះដែរ។
ជំងឺរលាកក្រពះអាចមានជាប្រភេទជំងឺរលាកក្រពះស្រួចស្រាល់ និងជំងឺរលាកក្រពះរ៉ាំរ៉ៃ។ ក្នុងករណីខ្លះជំងឺរលាកក្រពះអាចនាំឲ្យកើតទៅជាជំងឺដំបៅក្រពះ ហើយក៏អាចបង្កជាហានិភ័យកើតជំងឺមហារីកក្រពះដែរ។ សម្រាប់មនុស្សភាគច្រើន យ៉ាងណា បញ្ហាជំងឺរលាកក្រពះនេះមិនធ្ងន់ធ្ងរទេ និងអាចជាសះស្បើយលឿនពេលទទួលបានការព្យាបាលត្រឹមត្រូវ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. រោគសញ្ញាជំងឺរលាកក្រពះ
អ្នកជំងឺ ភាគច្រើនមិនមានរោគសញ្ញានោះទេ ប៉ុន្តែរោគសញ្ញាឧស្សាហ៍ជួបបំផុតរួមមាន៖
- មិនឃ្លានអាហារ
- ក្អួតចង្អោរ
- ចុកពោះផ្នែកខាងលើ (ចុងដង្ហើមជាដើម)
- ណែនពោះក្រោយពេលញ៉ាំ។
បើសិនជាមានហូរឈាមក្នុងស្រទាប់កម្រាលក្រពះ យើងអាចនឹងមានរោគសញ្ញាដូចខាងក្រោម៖
- លាមកខ្មៅ
- ក្អួតឈាម ឬក្អួតពណ៌កាហ្វេ
ជំងឺនេះ អាចមានរោគសញ្ញាផ្សេងៗមិនបានរៀបរាប់នៅខាងលើ។ បើមានការក្តីបារម្ភពីរោគសញ្ញាណាមួយនោះ សូមទៅពិគ្រោះជាមួយគ្រូពេទ្យ។
២. កត្តាប្រឈម
កត្តាប្រឈមមួយចំនួនអាចបង្កើនហានិភ័យកើតជំងឺរលាកក្រពះ៖
ឆ្លងបាក់តេរី៖ ទោះបីជាការឆ្លងបាក់តេរី Helicobacter pylori មានកើតច្រើនលើមនុស្សលើពិភពលោក ប៉ុន្តែមានមនុស្សតែមួយចំនួនប៉ុណ្ណោះដែលវិវត្តទៅជាជំងឺរលាកក្រពះ។ គ្រូពេទ្យជាច្រើនជឿថាការងាយឆ្លងបាក់តេរីគឺកើតចេញពី បែបបទនៃការរស់នៅ ដូចជាការជក់បារី និងរបបអាហារ។
ប្រើថ្នាំបំបាត់ការឈឺចាប់ជាប្រចាំ៖ ការប្រើថ្នាំបំបាត់ការឈឺចាប់ជាប្រចាំ ក៏អាចបង្កឲ្យមានជំងឺរលាកក្រពះស្រួចស្រាល់ដែរ។ ប្រើថ្នាំប្រភេទនេះច្រើន អាចរារាំងដល់សារធាតុសំខាន់ៗមិនអាចជួយការពារជញ្ជាំងក្រពះបាន។
វ័យចំណាស់៖ មនុស្សវ័យកាន់តែច្រើនហានិភ័យកើតជំងឺរលាកក្រពះក៏មានខ្ពស់ដែរ ពីព្រោះជញ្ជាំងក្រពះចាប់ផ្ដើមស្ដើងទៅតាមអាយុ ហើយក៏ព្រោះតែមនុស្សវ័យចំណាស់ ហាក់មានបញ្ហាឆ្លង បាក់តេរីHelicobacter pylori ឬជំងឺប្រព័ន្ធភាពស៊ាំខ្ពស់ជាមនុស្សវ័យក្មេង។
ផឹកគ្រឿងស្រវឹងច្រើន៖ គ្រឿងស្រវឹងអាចរំខាន និងធ្វើឲ្យសឹកជញ្ជាំងក្រពះ ដែលអាចធ្វើឲ្យក្រពះបញ្ចេញអាស៊ីដក្រពះ ផឹកគ្រឿងស្រវឹងច្រើនជ្រុល ភាគច្រើនកើតមានជំងឺរលាកក្រពះស្រួចស្រាល់។
៣. ផលវិបាក
បើគ្នាយើងមានជំងឺរលាកក្រពះ ហើយបណ្ដោយខ្លួនមិនព្រមព្យាបាល វាអាចនាំឲ្យកើតជាជំងឺដំបៅក្រពះ និងហូរឈាមក្រពះ។ ករណីកម្រ ជំងឺរលាកក្រពះរ៉ាំរ៉ៃខ្លះអាចបង្កឲ្យមានហានិភ័យខ្ពស់កើតជំងឺមហារីកក្រពះ ជាពិសេសប្រសិនជាយើងមានជញ្ជាំងក្រពះស្ដើងខ្លាំង និងមានការប្រែប្រួលកោសិកានៅជញ្ជាំងក្រពះ។
ដូចនេះហើយ គ្នាយើងគួរជួបជាមួយគ្រួពេទ្យជាថ្មីទៀតបើសិនជាជាអាការៈមិនធូរ ក្រោយមានទទួលបានការព្យាបាលម្ដងហើយក៏ដោយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
