ផ្ទុះការចាប់អារម្មណ៍យ៉ាងខ្លាំង ក្រោយពី Wang Leehom ផ្លាស់ប្ដូរមុខមាត់ថ្មីបែបនេះ

ចិន៖ ថ្មីៗនេះ យោងតាមគេហទំព័រអ៊ីនធឺណេត Celebrity Today បានឱ្យដឹងថា តារាចម្រៀងប្រុស លោក Wang Leehom បានបង្កភាពភ្ញាក់ផ្អើលយ៉ាងខ្លាំង បន្ទាប់ពីរូបលោក បានធ្វើការផ្សាយផ្ទាល់ បង្ហាញពីសកម្មភាពកោរពុកមាត់ ព្រមទាំងមានចំនួនអ្នកមើលច្រើនបំផុត នៅថ្ងៃទី ១៤ ខែកក្កដា កន្លងទៅនេះ។

នៅក្នុងនោះដែរ តារាប្រុសរូបនេះ បានបង្ហាញឲ្យពីសម្រស់ មុខមាត់ថ្មីយ៉ាងប្លែកភ្នែក បន្ទាប់ពីរូបលោកបានថែរក្សាទុករោមពុកមាត់ ពុកចង្កា អស់រយៈពេលជាង ៣ ខែ និងបានទាក់ទាញចំណាប់អារម្មណ៍អ្នកគាំទ្រជាច្រើនថែមទៀតផង។ តែទោះជាយ៉ាងណា ខណៈពេលនេះ រូបនេះក៏បានបំពេញតាមការសន្យារបស់ខ្លួនក្នុងការកោរពុកចង្ការ និងបើកបង្ហាញពីមុខមាត់ថ្មី ដែលកំពុងតែទទួលបានការសរសើរយ៉ាងខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ យោងតាមទំព័រ Sina បានបង្ហាញថា ការចាក់ផ្សាយរបស់តារាប្រុសរូបនេះមានរយៈពេល ៦០ នាទី និងទទួលបានចំនួនអ្នកទស្សនាជាង ១២,៣ លាននាក់ ដែលអាចនិយាយបានថា ជាការផ្សាយផ្ទាល់មួយដែលត្រូវបានគេស្វែងរកច្រើន និងមានប្រជាប្រិយភាពបំផុតនៅលើបណ្ដាញសង្គម Weibo ៕

ប្រភព៖ Zingnew

សូមទស្សនារូបភាពខាងក្រោម៖ 

• តារាចិន