ទម្រាំល្បីដល់សព្វថ្ងៃ តារាកូរ៉េក្រុមល្បីៗទាំងនេះ សុទ្ធតែធ្លាប់ហែលឆ្លងរឿងជូរចត់បែបនេះ

កូរ៉េខាងត្បូង៖ បើនិយាយដល់ឈ្មោះតារាចម្រៀង K-Pop ទាំងប៉ុន្មានខាងក្រោមនេះ បច្ចុប្បន្ន ពួកគេកំពុងមានប្រជាប្រិយភាពខ្លាំង និងមានហ្វេនៗគាំទ្រច្រើនស្ទើរតែជុំវិញពិភពលោក ដែលអ្នកណាៗក៏ស្គាល់ពួកគេដែរ។

ក្នុងនោះដែរ ទម្រាំមានឈ្មោះល្បីល្បាញដល់សព្វថ្ងៃ វាមិនមែនជារឿងងាយស្រួលសម្រាប់ពួកគេប៉ុន្មាននោះទេ ដោយកាលអំឡុងពេលពួកគេនៅត្រឹមជា Trainee នៅឡើយ គឺគេត្រូវហែលឆ្លងឧបសគ្គ និងការតស៊ូប្រឹងប្រែងការលំបាកសព្វគ្រប់បែបយ៉ាងមិនមែនងាយស្រួលដូចការគិតអ្នកមួយចំនួននោះឡើយ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពួកគេទាំងនោះ មានដូចខាងក្រោម៖

១.TWICE

យោងតាម SCMP បានឲ្យដឹងថា TWICE កាលអំឡុងពេលហ្វឹកហាត់ជាមួយ Trainee ជាច្រើនទៀត ពួកគេត្រូវបានក្រុមហ៊ុនដាក់កំហិតឲ្យតមអាហារដើម្បីសម្រកទម្ងន់។ ក្នុងនោះសមាជិកម្នាក់គឺ Jeongyeon បានបង្ហើបថា បើសិននរណាម្នាក់ឃ្លានចង់ញ៉ាំអី មិនមែនអាចញ៉ាំបានតាមចិត្តនោះទេ ពេលខ្លះត្រូវទៅលួចញ៉ាំនៅក្នុងបន្ទប់ទឹកទ្រាំលេបជាមួយនឹងក្លិនដ៏ស្អុយក៏មានដែរ។

២.F(x)

យោងតាមសារព័ត៌មាន Korea Times ក៏ធ្លាប់បានឲ្យដឹងដែរថា ក្រុមចម្រៀងនេះ ព្រោះតែចង់ឲ្យការសម្ដែងលើឆាករបស់គេបានល្អ គេត្រូវហាត់សមរយៈពេលជាង ២០ម៉ោងឯណោះក្នុងមួយថ្ងៃ ហើយពេលខ្លះក៏ត្រូវហាត់ទាំងយប់ទាំងថ្ងៃពេញៗផងដែរ។

៣.BLACKPINK

នៅក្នុងកម្មវិធី Reality Show 24/365 សមាជិកទាំង ៤របស់ក្រុម BLACKPINK បានអះអាងថា កាលពីពួកគេនៅជា Trainee ពួកគេបានរស់នៅជាមួយ Trainee ជាច្រើនក្នុងស្ថានភាពមិនមានផាសុខភាពល្អនោះទេ។ ហើយ រាល់ Trainee របស់ YG ទាំងអស់ត្រូវរស់នៅក្នុងបន្ទប់សើម មានសត្វល្អិតគ្រប់ប្រភេទ រួមទាំងសត្វកន្លាតទៀតផង។

៤.BTS

នៅក្នុងកម្មវិធី You Quiz on the Block សមាជិកមេក្រុម RM បានចែករំលែកថា អំឡុងពេលពួកគេមិនទាន់បង្ហាញខ្លួន សមាជិកទាំងអស់ត្រូវដេកនៅក្នុងបន្ទប់ចង្អៀតមួយជាមួយនឹង Trainee ៩នាក់ឯណោះ។ ហើយបន្ទប់ទឹកក៏មានតែមួយ បើសិនជាឈឺបត់ជើងខ្លាំងអី ត្រូវរត់ទៅបន្ទប់ទឹកសាធារណៈ ឬដើរទៅរកបន្ទប់ទឹកនៅហាងក្បែរនោះ។

៥.Gerl's Generation (SNSD)

បើយោងតាម SCMP បានឲ្យដឹងថា កាលនៅជា Trainee នៅឡើយ SNSD ត្រូវប្រឈមមុខនឹងការលំបាកជាច្រើន។ ដោយក្រុមហ៊ុនបានចែងនៅក្នុងច្បាប់តម្រូវឲ្យគ្រប់ Trainee ទាំងអស់ត្រូវឆ្លងកាត់ ការសម្អាតបន្ទប់ទឹក បន្ទប់ហាត់រាំ សម្អាតបង្អួច និងសម្អាតបន្ទប់បរិភោគអាហារថែមទៀតផង។

ប្រភព៖ Zing news

• រូបភាព
• តារាកូរ៉េ