ចាំ Yoon Eun Hye អត់! ជាច្រើនឆ្នាំហើយ រឿងរ៉ាវនាង និង Kim Jong Kook នៅតែធ្វើឲ្យ ហ្វេនឆ្ងល់

កូរ៉េខាងត្បូង៖ កាលពីថ្ងៃទី ១៧ ខែកក្កដានៅក្នុងកម្មវិធីទូរទស្សន៍ JTBC's «Ask Us Everything»  បានអញ្ជើញ Yoon Eun Hye ចូលរួមជាជាភ្ញៀវកិត្តិយស។ ទន្ទឹមនឹងនោះ ក្នុងកិច្ចសម្ភាសន៍នោះនាង Yoon Eun Hye ត្រូវបានគេសួរអំពីរឿងរ៉ាវស្នេហា របស់នាងជាមួយ Kim Jong Kook នៅកម្មវិធីសំដែងចាស់«X-Man» ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទោះបីជារយៈពេល ១៦ ឆ្នាំបានកន្លងផុតទៅហើយក្តីប៉ុន្តែការសង្ស័យរបស់រវាង Yoon Eun Hye និង Kim Jong Kook នៅតែជាការចាប់អារម្មណ៍របស់អ្នកទស្សនា ដោយអ្នករាល់គ្នាងឿងឆ្ងល់ថាតើគូស្នេហ៍មួយគូនេះបានណាត់ជួបគ្នាពីមុនមកទេ។ ថ្មីៗនេះតួឯកស្រី Yoon Eun Hye ធ្វើឱ្យមនុស្សរឹតតែគួរឱ្យសង្ស័យថែមទៀតដោយនាងប្រើប្រយោគតែមួយ។

យ៉ាងណាមិញ តារាសម្តែងមិនបានគេចវេសពីសំណួរនោះទេ ប៉ុន្តែក៏មិនបានឆ្លើយសំណួរទាំងអស់ដែរ សូម្បីតែឪពុកម្តាយរបស់នាងក៏ចង់ដឹងចង់ឃើញដែរថានាងកំពុងមានទំនាក់ទំនងជាមួយតារាប្រុសរូបនោះមែនឬអត់ដែរ មិនត្រឹមតែប៉ុណ្ណឹង Yoon Eun Hye ក៏បានបង្ហើបថា ឪពុកម្តាយនាងក៏បានលើកទឹកចិត្តអ្នកទាំងពីរមើលចិត្តគ្នាស្គាល់គ្នាដែរ ។

កាលពី ១៦ ឆ្នាំមុន Kim Jong Kook និង Yoon Eun Hye ត្រូវបានដាក់ក្នុងក្រុមតែមួយនៅលើកម្មវិធី X-Man ។ដោយទង្វើនេះ បានក្លាយជាប្រធានបទដ៏ក្តៅគគុក ចាប់តាំងពីពេលនោះមកអ្នកទាំងពីរត្រូវបានអ្នកគាំទ្ររុញច្រានឲ្យទាក់ទងគ្នាជានិច្ច។ ក្រៅពីនេះក៏មានមនុស្សឆ្ងល់ផងដែរថាតើអ្នកទាំងពីរនេះនឹងណាត់ជួបគ្នាបន្ទាប់ពីការសម្តែងដែរទេ ទោះជាយ៉ាងណាក៏ដោយបន្ទាប់ពីច្រើនឆ្នាំមកហើយសំណួរនេះនៅតែមិនមានចម្លើយដដែរ។

ប្រភព៖ kenh14

• តារាកូរ៉េ