កាន់តែរាលដាល ដល់តារាកូរ៉េហើយ ពេលនេះ Hani អតីត EXID មានជំងឺកូវីដ១៩ ដែរហើយ

កូរ៉េខាងត្បូង៖ យោងតាមរបាយការណ៍ផ្តាច់មុខពី SPOTV បានឲ្យដឹងថាថ្មីៗនេះតារាសម្តែងស្រី Hani បានធ្វើតេស្តវិជ្ជមានចំពោះកូវីដ១៩ បន្ទាប់ពីបុគ្គលិកជិតស្និទ្ធម្នាក់របស់នាង ទទួលបានធ្វើតេស្តវិជ្ជមាន។

បន្ទាប់ពីនាងបានទទួលដំណឹងថាបុគ្គលិករបស់នាងទទួលបានវិជ្ជមាន នាងក៏បានធ្វើតេស្តរកដោយខ្លួនឯងដោយប្រើឧបករណ៍ធ្វើតេស្ត ហើយជាលទ្ធផលចេញជាវិជ្ជមាន។ យ៉ាងណាមិញការធ្វើតេស្ត PCR ជាលើកទីពីរ ក៏បានបញ្ជាក់ថាវិជ្ជមានដូចគ្នាផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ តារាស្រីវ័យ ២៩ឆ្នាំរូបនេះ កំពុងថតរឿងភាគថ្មីដែលមានចំណងជើងថា «Idol» នៅលើប៉ុស្តិ៍ទូរទស្សនិ៍ JTBC ។ ហេតុដូច្នេះគេរំពឹងថានឹងជះឥទ្ធិពលដល់ការសម្តែងនិងបុគ្គលិកនៃរឿងនេះជាក់ជាមិនខាន។

យ៉ាងណាមិញ ក្រុមផលិតកម្មវិធី បានរៀបចំការប្រជុំបន្ទាន់មួយ បន្ទាប់ពីតារាស្រីរូបនេះទទួលបានវិជ្ជមាន ហើយអ្នកតារាផ្សេងទៀត និងបុគ្គលិកទាំងអស់ដែលទាក់ទងជាមួយ Hani ក្នុងពេលថតខ្សែភាពយន្តថ្មីៗនេះ ក៏ត្រូវបានធ្វើតេស្តដូច្នេះដែរ៕

ប្រភព៖ Koreaboo

សូមទស្សនារូបភាពខាងក្រោម៖

• តារាកូរ៉េ