ភ្នំពេញ៖ ដូចដែលយើងបានដឹងហើយថា សម្រាប់វិស័យតែងនិពន្ធនៅក្នុងប្រទេសកម្ពុជានាពេលបច្ចុប្បន្ននេះ កំពុងតែរីកលូតលាស់ខ្លាំងគួរសមដែរ ដោយសារតែយុវជន យុវនារីខ្មែរមួយចំនួន បច្ចុប្បន្នពួកគេស្រាប់តែងាកមកចាប់អារម្មណ៍លើការអានសៀវភៅច្រើន។ ដូច្នេះហើយទើបធ្វើឲ្យអ្នកនិពន្ធជំនាន់ថ្មីចាប់ផ្ដើមមានទីផ្សារថែមមួយកម្រិតទៀត ដោយពួកគេក៏បានខិតខំបង្កើតស្នាដៃល្អៗ តបតាមតម្រូវការមិត្តអ្នកអានជាបន្តបន្ទាប់ មិនថាតែជាប្រភេទសៀវភៅទស្សនវិជ្ជា ឬសៀវភៅប្រលោមលោកជាដើម។
ក្នុងនោះទៀតសោត ក៏នៅមានយុវជនយើងមួយចំនួនទៀត ដែលស្រលាញ់ការតែងនិពន្ធដែរ តែមិនទាន់មានភាពក្លាហានបញ្ចេញសមត្ថភាព និងមិនទាន់ដឹងថា ក្នុងការធ្វើជាអ្នកនិពន្ធជោគជ័យម្នាក់តើត្រូវមានអ្វីខ្លះ? តើត្រូវធ្វើម្ដ៉េចខ្លះ? និងគួររៀនផ្នែកអ្វីដើម្បីឲ្យត្រូវនឹងជំនាញមួយនេះនៅឡើយនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូច្នេះ ថ្ងៃនេះផងដែរ ខ្មែរឡូត ក៏បានណាត់ជួបជាមួយអ្នកនិពន្ធម្នាក់ ដើម្បីសាកសួរអំពីបញ្ហានេះ។ ហើយអ្នកនិពន្ធរូបនោះមានឈ្មោះថា ឆាន់ វត្ថា ដែលជាម្ចាស់គ្រឹះស្ថានបោះពុម្ព វេហាស៍ ដែលមានស្នាដៃសៀវភៅប្រលោមលោកជាច្រើនចំណងជើង។ ជាពិសេសហ្វេនៗភាគច្រើនគឺស្គាល់លោកតាមរយៈសៀវភៅប្រលោមលោកបុរសស្រលាញ់ភេទដូចគ្នា (BL Novel) គឺរឿង «ចង្វាក់បេះដូង» និងរឿង «មនុស្សគល់ឈើ» ផ្ទាល់តែម្ដង។
ជាមួយគ្នានេះទៀតសោត ក្រៅពីស្នាដៃសៀវភៅប្រលោមលោកដែលបានចេញផ្សាយហេីយទទួលបានការគាំទ្រទាំងអស់នោះ ពីមួយថ្ងៃទៅមួយថ្ងៃ អ្នកនិពន្ធរូបនេះ ក៏បានសម្រិតសម្រាំងស្នាដៃថ្មីៗជាច្រេីន ដេីម្បីបំពេញចិត្តអ្នកអាន។
ក្នុងកិច្ចសម្ភាស៍ដដែលនេះ ដោយសារតែបញ្ហាការរីករាលដាលជំងឺកូវីដ ១៩នៅតែជះឥទ្ធិពលខ្លាំងនៅឡើយ ដោយយើងមិនអាចណាត់ជួបសម្ភាសន៍ផ្ទាល់ជាមួយអ្នកនិពន្ធរូបនេះបាន យើងក៏បានជួបសម្ភាសន៍តាមរយៈសារជាសម្លេងផងដែរ។ ដោយក្នុងនោះលោកបាននិយាយស្វាគមន៍យ៉ាងរួសរាយមកកាន់យើងថា៖
-តើលោកចាប់អាជីពជាអ្នកនិពន្ធនេះរយៈពេលប៉ុន្មានឆ្នាំហើយ? ហើយតាំងពីចាប់ផ្ដើមដំបូងរហូតមកដល់ពេលនេះ លោកបានចេញផ្សាយសៀវភៅប្រលោមលោករបស់ខ្លួនបានប៉ុន្មានចំណងជើងដែរ?
-បើតាមដឹងមក ប្រលោមលោករឿង «ចង្វាក់បេះដូង» និង រឿង «មនុស្សគល់ឈើ» វាជាប្រភេទរឿងបែបស្នេហាបុរសនឹងបុរស (BL) ហើយកន្លងមកលោកតែងតែសរសេរបែបស្នេហាប្រុសស្រីទូទៅ ចុះហេតុអ្វីបានជាលោកងាកមកសរសេររឿងបែប BL ទៅវិញ?
-ចុះនៅពេលលោកជានិស្សិតដែលបញ្ចប់ការសិក្សាផ្នែកអាយធីទេ តែស្រាប់តែងាកមកធ្វើការជាអ្នកនិពន្ធដែលខុសពីជំនាញដែលលោករៀនអ៊ីចឹង តើមានផលប៉ះពាល់អ្វីខ្លះសម្រាប់លោក?
-សម្រាប់អ្នកដែលគាត់ចង់ក្លាយជាអ្នកនិពន្ធម្នាក់ តើពួកគាត់ត្រូវមានលក្ខខណ្ឌអ្វីខ្លះ?
ជាការពិតណាស់ សម្រាប់ការតែងនិពន្ធ មិនមែនជារឿងដែលងាយស្រួលប៉ុន្មាននោះទេ ហើយវាក៏មិនមែនជារឿងដែលលំបាកនោះដែរ សំខាន់យើងមានដុងពីមកកំណើត គួបផ្សំនឹងចិត្តស្រលាញ់របស់យើងផង។
ដោយក្នុងកិច្ចសម្ភាសន៍ដដែលនេះ អ្នកនិពន្ធរូបនេះ ក៏បានរៀបរាប់ទាក់ទងនឹងចំណុចមួយចំនួនសម្រាប់អ្នកដែលចង់ក្លាយជាអ្នកនិពន្ធ បន្ថែមទៀតថា៖
យ៉ាងណាមិញ ទាំងនេះក៏អាចបញ្ជាក់បានថា ការងារអ្វីក៏ដោយ មុខជំនាញអ្វីក៏ដោយ ក៏មិនមែនមានន័យថា ទាល់តែរៀនឲ្យត្រូវជំនាញទើបអាចធ្វើបាននោះទេ សំខាន់គឺឆន្ទះ ការតស៊ូ និងចិត្តស្រលាញ់របស់យើងផ្ទាល់តែម្ដង។ ដូច្នេះ គន្លឹះល្អៗពីអ្នកនិពន្ធរូបនេះ ក៏អាចជួយទៅបណ្ដុះគំនិតដល់យុវជនយើងជំនាន់ក្រោយ ដែលស្រលាញ់ខាងការតែងនិពន្ធ ឲ្យកាន់តែក្លាហាន ដើរតាមបេះដូងរកគោលដៅដែលខ្លួនចង់ធ្វើ ទាំងនោះហើយនឹងអាចជួយឲ្យពួកគាត់ អាចសម្រេចក្ដីស្រមៃរបស់ពួកគាត់បានផងដែរ៕
អត្ថបទនេះ ខ្មែរឡូត សូមធ្វើការរក្សាសិទ្ធ
ស្ដាប់ការបកស្រាយសារជាសម្លេងបន្ថែមតាមរយៈវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្រលោមលោក & អប់រំ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
