ញាក់សាច់ទ្រើតៗ ព្រោះគ្រាន់ឈុតពេជ្រ ដែលLisa ពាក់នេះ ជាង១លានដុល្លារ

កូរ៉េខាងត្បូង៖ បន្ទាប់ពីរូបភាពចេញផ្សាយ ពាសពេញបណ្តាញអ៉ីនធឺណែត អាលដល K-pop ជនជាតិថៃ តារាស្រី Lisa Manoban ក្នុងការបង្ហាញ នៃគ្រឿងអលង្ការខ្ពស់ម៉ូតថ្មី​របស់ Bvlgari​ ដែលក្នុងនាម នាងជា «brand spokesperson»។

តួយ៉ាងដូចសព្វរាល់ដង តារាស្រីវ័យ ២៤ឆ្នាំរូបនេះ បានទាមទារ ក៏ដូចជាកំពុងតែទទួលបានការចាប់អារម្មណ៍ខ្លាំង ដែលបានធ្វើឲ្យអ្នកគាំទ្រ សរសើរមិនដាច់ពីមាត់ ពីស្ទាយ៍តុបតែងខ្លួន​ ក្នុងការបង្ហាញខ្លួនរបស់នាងលើកនេះ មិនថាឈុត ការលេងម៉ូតសក់ និងគ្រឿងអលង្ការជាដើម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីរូបនេះ បានចែកចាយមិនយូរប៉ុន្មាន បានធ្វើឲ្យមហាជន មានការសម្លឹងមិនដាក់ភ្នែក នៃរូបរាងថ្មីរបស់នាង ជាពិសេសនោះ គ្រឿងឈុតពេជ្រ ដែលមានត្បូងទន្ទឹមលាយឡំ ឡោមព័ន្ធទៅដោយគ្រាប់ពេជ្រ មានពន្លឺចែងចាំង ដែលបានគ្រងលើស្បែកសម៉ងខៃ សាកសមជាមួយរ៉ូបពណ៌ខ្មៅ ដែលរូបនាងបានយកមកស្លៀក។

​ទោះជាយ៉ាងណាក្តី តាមប្រភពមួយ បានចេញផ្សាយពីតម្លៃ គ្រឿងអលង្ការរបស់តារាស្រីរូបនេះ ដែលត្រូវបានឲ្យដឹង ខ្សែកមួយនេះដែលរូបនាងពាក់ គឺមានតម្លៃរហូតទៅជិត ៨សែនដុល្លារ បូករួមទៅនឹង ខ្សែដៃមានម៉ូតដូចគ្នានេះ មានតម្លៃជិត ៤សែនដុល្លារ គួបផ្សំទៅនឹងចិញ្ចៀនទៀតផងនោះ ឈុតពេជ្រមួយតួខ្លួនរបស់នាង ត្រូវបានគេប៉ាន់ប្រមាណតម្លៃច្រើនជាង ១លានដុល្លារអាមេរិកឯណោះ៕

សូមទស្សនារូបភាពខាងក្រោម៖

• តារាកូរ៉េ