ចៀវៃ ត្រូវគេរិះគន់ព្រាតរឿងមិនបរិច្ចាគជំនួយដល់ប្រទេសចិនករណីទឹកជំនន់

តៃវ៉ាន់៖ កាលពីពេលថ្មីៗនេះ តារាសម្ដែងស្រី Ruby Lin ហៅ ចៀវៃ បានទាក់ទាញការចាប់អារម្មណ៍យ៉ាងខ្លាំងនៅពេលដែលនាង បានបង្ហោះរូបថតរបស់ខ្លួន បង្ហាញពីសម្រស់យ៉ាងស្រស់សោភា និងមើលទៅពិតមានភាពវ័យក្មេង ក្នុងអាយុ ៤៥ ឆ្នាំ។ 

យ៉ាងណាមិញ ចំពោះរូបភាពដ៏ទាក់ទាញពីតារាស្រីរូបនេះ បានធ្វើឲ្យមនុស្សជាច្រើនគិតថា នឹងទទួលបានការសរសើរជាច្រើនពីសំណាក់អ្នកលេងបណ្ដាញសង្គម ចំពោះសម្រស់របស់នាង ប៉ុន្តែបែរជាមានរឿងនឹកស្មានមិនដល់ ទៅលើតារាស្រីរូបនេះ ដោយនាងបានទទួលនូវការរិះគន់ រាប់មិនអស់ពីសំណាក់អ្នកគាំទ្រទៅវិញ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះដែរ មនុស្សជាច្រើនបានរិះគន់ថា Ruby Lin និងស្វាមី ដែលមិនមានឈ្មោះនៅក្នុងបញ្ជីសិល្បករដែលបានបរិច្ចាគជួយ ចំពោះករណីទឹកជំនន់ដ៏គួរឱ្យភ័យខ្លាចនៅខេត្ត Henan (ប្រទេសចិន) ដែលបានបង្កការខូចខាតយ៉ាងធ្ងន់ធ្ងរ ដល់ប្រជាជនជាច្រើន រួមទាំងទ្រព្យសម្បត្តិរបស់ពួកគេ។

យ៉ាងណាមិញ នេះមិនមែនជាលើកទី ១ ទេនោះ ដែលតារាស្រីរូបនេះបានជាប់ទាក់ទងនឹងបញ្ហាសប្បុរសធម៌។ ហើយអ្វីដែលគួរឲ្យកត់សំគាល់នោះគឺ កាលពីមុន នាងនិងស្វាមី ក៏ត្រូវបានគេអញ្ជើញឲ្យចូលរួមក្នុងកម្មវិធីសប្បុរសធម៌មួយ ប៉ុន្តែអ្នកទាំងពីរ មិនបានបរិច្ចាគថវិកាអ្វីទាំងអស់ ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន