ស្ងាត់ៗ តារាជើងចាស់ Duke Panudet បង្អួតវីឡាស្កឹមស្កៃមួយលេង

ថៃ៖ មិនត្រឹមតែជាតារាសម្ដែងជើងចាស់ពោរពេញដោយសមត្ថភាពនោះទេ តែលោក Duke Panudet ថែមទាំងមានចំណេះដឹងផ្នែកស្ថាបត្យកម្ម រចនាតុបតែងលម្អ ផងដែរ ជាពិសេស កាលពីថ្មីៗនេះ តារាប្រុសរូបនេះ ក៏បានយល់ព្រម បើកបង្ហាញឲ្យហ្វេនៗជាច្រើន បានឃើញពីគេហដ្ឋានដ៏អស្ចារ្យដែលមានតម្លៃខ្ពស់ ព្រមទាំងជាផ្ទះដែលលោកបានរចនាតុបតែងដោយខ្លួនឯង ទៀតផង។

ជាមួយគ្នានេះដែរ ផ្ទះដ៏ស្កឹមស្កៃរបស់ លោក Duke Panudet ត្រូវបើកបង្ហាញឲ្យឃើញ តាមរយៈឆានែលយូធ្យូប ដោយចាប់ផ្តើមពីមុខផ្ទះ ដែលមានការរៀបចំជាសួនតាមបែបអង់គ្លេសទាំងដើមឈើ និងការតុបតែង ត្រូបានចំណាយអស់មិនតិចជាង ៣ សែនបាត ( ប្រហែល ៩ ពាន់ដុល្លា) នោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត ផ្ទះមួយនេះ ត្រូវបានប្រើជាផ្ទះសម្រាប់ថតខ្សែភាពយន្តល្បីៗជាច្រើន មិនត្រឹមតែប៉ុណ្ណោះ ផ្នែកខាងក្នុងផ្ទះនេះ ត្រូវបានតុបតែងដោយគ្រឿងបរិក្ខាប្រមូលផ្ដុំជាច្រើន ព្រមទាំងមានគំនូរដែលគូរដោយខ្លួនខ្លួនថែមទៀតផង។ 

ជាពិសេស នៅក្នុងបរិវេណផ្ទះរបស់លោក ក៏មានផ្ទះកញ្ចក់ដ៏ស្រស់ស្អាតដែលមានតម្លៃ ៧ សែន (ប្រហែលជាង ២ ម៉ីនដុល្លា) និងផ្ទះបាយដ៏ឡូយឆាយ ដែលត្រូវបានគេកំណត់តម្លៃខ្ទង់ ២ លានបាត (ប្រហែល ៦ ម៉ីនដុល្លា) ។ យ៉ាងណាមិញ ក្រោយពីបានឃើញពីទិដ្ឋភាពដ៏ប្រណីតនៅក្នុងផ្ទះរបស់តារាប្រុសរូបនេះ អាចនិយាយបានថា គ្រប់ផ្នែកទាំងអស់ពិតជាមានភាពអស្ចារ្យ និងស្រស់ស្អាតយ៉ាងខ្លាំង ដែលបានក្លាយជាផ្ទះក្នុងក្ដីស្រមៃរបស់មនុស្សជាច្រើន៕ 

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ