ទោះកំពុងប្រឈមមុខនឹងរឿងក្ដី Kris Wu មិនភ្លេចធ្វើរឿងជួយសង្គមឡើយ

ចិន៖ បន្ទាប់ពីមានរឿងអាស្រូវផ្លូវភេទគួរឱ្យភ្ញាក់ផ្អើលជាបន្តបន្ទាប់ ពេលនេះ តារាចម្រៀងប្រុស លោក Wu Yifan បានក្លាយជាឧក្រិដ្ឋជននៅក្នុងសិល្បៈកម្សាន្ត ដែលធ្វើឲ្យអាជីពរបស់តារាចម្រៀងប្រុសរូបនេះ ត្រូវបានបំផ្លាញទាំងស្រុង ព្រមទាំងត្រូវប្រឈមមុខនឹងការសងប្រាក់សំណងយ៉ាងច្រើន ផងដែរ។ 

បើទោះបីជា កំពុងស្ថិតនៅក្នុងបញ្ហាដែលមិនទាន់មានសញ្ញាបញ្ចប់នៅឡើយ ថ្មីៗនេះ នៅលើបណ្ដាញសង្គម ស្រាប់តែមានព័ត៌មានមួយ បានផ្សព្វផ្សាយថា ក្រុមហ៊ុនរបស់លោក Wu Yifan បានបរិច្ចាគទឹកប្រាក់ ២០ លានយ័ន (ស្មើនឹង ៣ លាន ដុល្លា) ដើម្បីជួយដល់ការងារជួយសង្គ្រោះទឹកជំនន់នៅខេត្ត Henan (ប្រទេសចិន) ប៉ុន្តែការបរិច្ចាគមួយនេះ បែរជាមានការលេចលឺថា ត្រូវបានបដិសេធ ថែមទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ភ្លាមៗបន្ទាប់ពីព័ត៌មានបានបង្ហាញបែបនេះ ខាងសមាគមកាកបាទក្រហម ZhengZhou (ខេត្តHenan ប្រទេសចិន) បានបដិសេធទៅលើដំណឹងនេះ ហើយព្រមទាំងបាននិយាយថា ពួកគេមិនបានបដិសេធទៅលើប្រាក់គាំទ្រណាមួយឡើយ។ ជាមួយគ្នានេះដែរ ខាងសមាគមក៏បានប្រកាសព័ត៌មានលំអិតនៃចំនួនទឹកប្រាក់ដែលបានទទួលនៅថ្ងៃទី ២៤ ខែកក្កដា ផងដែរ។ 

ដោយឡែក ជាមួយនឹងសកម្មភាពបែបនេះ បានធ្វើឲ្យតារាចម្រៀងប្រុសរូបនេះ ទទួលបានការឆ្លើយតបដ៏ល្អពីសំណាក់មហាជន ដែលនៅក្នុងនោះ មតិជាច្រើនបាននិយាយថា បើទោះបីជា កំពុងជាប់អន្ទាក់រឿងអាស្រូវដ៏គួរឱ្យខ្លាច តែលោក Wu Yifan នៅតែព្យាយាមចូលរួមចំណែក នៅក្នុងការងារជួយសង្គមកាត់បន្ថយផលប៉ះពាល់ ពីគ្រោះទឹកជំនន់៕

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន