តិចនិកងាយៗថែរក្សាសម្រស់ បញ្ចៀសភាពចាស់មុនវ័យ!

សម្រស់ស្រស់ស្អាតគឺជាបំណងប្រាថ្នារបស់ស្រីៗយើងគ្រប់រូប។ ប៉ុន្តែ នៅពេលដែលយើងមានវ័យកាន់តែច្រើន ស្នាមជ្រីវជ្រួញ ស្បែកមុខស្រអាប់ និងបញ្ហាស្បែកផ្សេងៗនឹងចាប់ផ្ដើមលេចឡើងនៅលើផ្ទៃមុខរបស់យើងជាក់ជាមិនខាន។ យ៉ាងណាមិញ ថ្វីត្បិតតែយើងមិនអាចបញ្ចៀសភាពចាស់បានក៏ពិតមែន តែយើងនៅតែអាចពន្យារភាពចាស់បានយ៉ាងមានប្រសិទ្ធភាព ដោយអនុវត្តតាមតិចនិកងាយៗថែរក្សាសម្រស់ខាងក្រោមនេះ។

១.ការពារស្បែកពីកម្ដៅព្រះអាទិត្យ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ កម្ដៅព្រះអាទិត្យអាចបំផ្លាញជាតិខូឡាជែន និងភាពយឺតនៃស្បែក ដែលជាហេតុបណ្ដាលឲ្យយើងកើតមានស្នាមជ្រីវជ្រួញ។ ហេតុនេះហើយ ទើបការប្រើប្រាស់ក្រែមការពារកម្ដៅថ្ងៃដែលមានSPF២០ និងលើសពីនេះ អាចពន្យារភាពចាស់របស់យើងបានយ៉ាងស័ក្ដិសិទ្ធិ។ ចូរលាបក្រែមការពារកម្ដៅថ្ងៃមិនថានៅពេលដែលយើងនៅផ្ទះ ឬអាកាសធាតុត្រជាក់ក៏ដោយ។

២. ផ្ដល់ជាតិទឹកដល់ស្បែក

ស្បែកមានជាតិទឹកគឺជាសញ្ញាបញ្ជាក់ថាស្បែកមានសុខភាពល្អ។ ជាទូទៅ យើងចាំបាច់ញ៉ាំទឹកយ៉ាងហោចណាស់ឲ្យបាន២លីត្រក្នុងមួយថ្ងៃ។ បន្ថែមពីនេះ ស្រីៗយើងមិនគប្បីរំលងក្រែមផ្ដល់សំណើមដល់ស្បែកឡើយ ពីព្រោះវាអាចបំពេញជាតិទឹកដែលស្បែកត្រូវការ។

៣. របបអាហារមានសារធាតុចិញ្ចឹមល្អៗ

ជាក់ស្ដែង របបអាហារជះឥទ្ធិពលដ៏ធំធេងចំពោះស្បែក។ ដូចនេះ យើងចាំបាច់ត្រូវញ៉ាំបន្លែ ផ្លែឈើ និងគ្រាប់ធញ្ញជាតិជារៀងរាល់ថ្ងៃ ដោយសារតែពពួកអាហារទាំងនេះផ្ដល់វីតាមីន និងសារធាតុរ៉ែជាច្រើន ដែលជួយឲ្យស្បែកមានសុខភាពល្អ និងភ្លឺថ្លាចេញពីខាងក្នុង។

៤. ការផ្លាស់ប្ដូរបែបបទរស់នៅ

កាត់បន្ថយការញ៉ាំស្ករ និងផលិតផលចម្រាញ់ពីទឹកដោះគោ
ធ្វើលំហាត់ប្រាណជាប្រចាំ ដើម្បីជួយឲ្យអារម្មណ៍ល្អ និងមើលទៅក្មេងជាងវ័យ ព្រមទាំងមានសុខភាពល្អ
ឈប់ជក់បារី និងកាត់បន្ថយការញ៉ាំគ្រឿងស្រវឹង
កាត់បន្ថយស្រ្តេស ដោយធ្វើសមាធិ អានសៀវភៅ ឬស្ដាប់ចម្រៀង
គេងឲ្យបានគ្រប់គ្រាន់។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

១.​ការពារ​ស្បែក​ពី​កម្ដៅ​ព្រះ​អាទិត្យ

២. ផ្ដល់​ជាតិ​ទឹក​ដល់​ស្បែក​

៣. របប​អាហារ​​មាន​សារធាតុ​ចិញ្ចឹម​ល្អ​ៗ

៤. ការ​ផ្លាស់ប្ដូរ​បែបបទ​រស់នៅ​

In Case You Missed It

១.ការពារស្បែកពីកម្ដៅព្រះអាទិត្យ

២. ផ្ដល់ជាតិទឹកដល់ស្បែក

៣. របបអាហារមានសារធាតុចិញ្ចឹមល្អៗ

៤. ការផ្លាស់ប្ដូរបែបបទរស់នៅ