ស្នាមអុជតូចៗលើស្បែកកើតឡើងដោយសារអ្វី? គួរធ្វើម៉េចល្អ?

នៅពេលដែលយើងពាក់សំលៀកបំពាក់ស្ដើងៗ គ្នាយើងមួយចំនួនអាចនឹងសង្កេតឃើញស្នាមអុជតូចៗលេចឡើងនៅលើដៃ និងភ្លៅ។ ទោះបីជាវាមិនបង្កផលប៉ះពាល់ និងមិនឆ្លងក៏ពិតមែន ប៉ុន្តែវាអាចរំខានដល់អារម្មណ៍របស់យើង ហើយប្រសិនបើមិនមានការព្យាបាលទេនោះ ស្នាមអុជតូចៗនេះអាចនឹងកាន់តែធ្ងន់ធ្ងរជាងមុនជាក់ជាមិនខាន។ សកម្មភាពប្រចាំថ្ងៃខាងក្រោមនេះអាចបណ្ដាលឲ្យមានបញ្ហាស្នាមអុជតូចៗកើតឡើង។ តើយើងគួរដោះស្រាយបែបណា?

១. ញ៉ាំខ្លាញ់មិនគ្រប់គ្រាន់

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងករណីដែលគ្នាយើងចង់សម្រកទម្ងន់ ជំហានដំបូងគឺកាត់បន្ថយខ្លាញ់នៅក្នុងរបបអាហារ។ ប៉ុន្តែជាក់ស្ដែង ការបំបាត់ខ្លាញ់សុខភាពអាចធ្វើឲ្យយើងឡើងទម្ងន់ ក៏ដូចជាធ្វើឲ្យស្ថានភាពស្បែករបស់យើងកាន់តែយ៉ាប់យ៉ឺនទ្វេដង។ នៅពេលដែលរាងកាយមិនទទួលបានអាស៊ីដខ្លាញ់អូមេហ្គា៣ និងអូមេហ្គា៦គ្រប់គ្រាន់ទេនោះ វាក៏បង្កការរលាកស្បែក និងឡើងស្នាមអុជតូចៗនៅលើស្បែក។

ដំណោះស្រាយ៖ ព្យាយាមញ៉ាំអាហារដែលសម្បូរទៅដោយអាស៊ីដខ្លាញ់ឲ្យបានច្រើន ដូចជាត្រីសាល់ម៉ុន សណ្ដែកសៀង ផ្លែបឺរ គ្រាប់ជី ឬសូកូឡាពណ៌ខ្មៅ។

២. ប្រើប្រាស់ស្ក្រាប់ដុសខ្លួនមានជាតិកាត់ខ្លាំង

ខណៈពេលដែលការជម្រុះកោសិកាចាស់ៗជារៀងរាល់ថ្ងៃ អាចជួយឲ្យស្នាមអុជតូចៗលើស្បែកមានភាពទន់រលោងក៏ពិតមែន ប៉ុន្តែការប្រើប្រាស់ស្រ្កាប់ដែលមានជាតិកាត់ខ្លាំង អាចធ្វើឲ្យស្ថានភាពកាន់តែយ៉ាប់យ៉ឺនទ្វេដង។ ជាក់ស្ដែង គ្រាប់ល្អិតតូចៗនៅក្នុងស្រា្កប់អាចធ្វើឲ្យរលាកស្បែក និងបង្កឲ្យស្បែករមាស់ ឬរបកស្បែក។

ដំណោះស្រាយ៖ ជាជាងការប្រើប្រាស់ស្ក្រាប់ដែលមានគ្រាប់ល្អិតធំៗ ចូរសាកល្បងធ្វើការម៉ាស្សាស្បែកថ្នមៗជាមួយនឹងអេប៉ុងដុសខ្លួន។

៣. ងូតទឹកក្ដៅពេក

ទោះបីជាការងូតទឹកក្ដៅមិនបណ្ដាលឲ្យមានស្នាមអុជតូចៗលើស្បែកក៏ពិតមែន ប៉ុន្តែប្រសិនបើយើងងូតទឹកក្ដៅរយៈពេលយូរពេក វាអាចធ្វើឲ្យស្ថានភាពស្បែករបស់យើងកាន់តែអាក្រក់។ ការងូតទឹកក្ដៅរយៈពេលយូរ អាចបំផ្លាញខ្លាញ់ធម្មជាតិពីស្បែក ដោយធ្វើឲ្យស្បែកស្ងួត និងក្រហាយ។

ដំណោះស្រាយ៖ ងូតទឹកក្ដៅឧណ្ហៗរយៈពេលខ្លី និងជូតសម្អាតស្បែកថ្នមៗ ដើម្បីបញ្ចៀសការរលាក។

៤. ញ៉ាំអាហារធ្វើពីទឹកដោះគោច្រើនជ្រុល

អាហារដែលធ្វើពីទឹកដោះគោអាចបង្កឲ្យមានប្រតិកម្មអាហារកើតឡើងបាន ហើយវាក៏អាចរួមចំណែកដល់លក្ខខណ្ឌស្បែកមួយចំនួនដូចជាកើតមានស្នាមអុជតូចៗនៅលើស្បែកផងដែរ។ គ្នាយើងភាគច្រើនអាចប្រែទៅជាអាលែកហ្ស៊ី នឹងប្រូតេអ៊ីនដែលមាននៅក្នុងអាហារធ្វើពីទឹកដោះគោ ដែលនាំឲ្យកើតបញ្ហារលាកស្បែក ឬមុនជាដើម។

ដំណោះស្រាយ៖ យើងមិនចាំបាច់បញ្ឈប់ការញ៉ាំអាហារដែលធ្វើពីទឹកដោះគោទាំងស្រុងឡើយ ប៉ុន្តែអាចផ្អាកញ៉ាំវាយ៉ាងហោចណាស់៦សប្ដាហ៍សិន ដើម្បីធ្វើការសង្កេតថាតើស្ថានភាពស្បែករបស់យើងមានភាពល្អប្រសើរជាងមុនឬយ៉ាងណា។

៥. ប្រើប្រាស់សាប៊ូដុសខ្លួនមានក្លិនទឹកអប់

ស្នាមអុជតូចៗនៃស្បែកកើតឡើងដោយសារតែប្រូតេអ៊ីនក្នុងជាលិកាស្នែង ដែលមាននៅក្នុងរន្ធញើស ហើយផលិតផលថែរក្សាស្បែកដែលមានសារធាតុcomedogenic អាចធ្វើឲ្យស្ថានភាពកាន់តែធ្ងន់ធ្ងរទ្វេដង។ សាប៊ូដែលមានក្លិនក្រអូបភាគច្រើនសុទ្ធតែមានផ្ទុកសារធាតុបន្ថែមក្លិនសិប្បនិម្មិតដែលអាចធ្វើឲ្យស្ទះរន្ធញើស និងរលាកស្បែក។

ដំណោះស្រាយ៖ ជ្រើសរើសផលិតផលថែរក្សាស្បែកប្រភេទស្រាល ដែលផ្សំពីសារធាតុhypoallergenic ពីព្រោះវាមិនធ្វើឲ្យក្រហាយស្បែក។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

១. ញ៉ាំ​ខ្លាញ់​មិន​គ្រប់គ្រាន់​

​​២. ប្រើប្រាស់​ស្ក្រាប់​ដុស​ខ្លួន​មាន​ជាតិ​កាត់​ខ្លាំង​

៣. ងូត​ទឹក​ក្ដៅ​ពេក

៤. ញ៉ាំ​អាហារ​ធ្វើ​ពី​ទឹក​ដោះ​គោ​ច្រើន​ជ្រុល​

​៥. ប្រើប្រាស់​សាប៊ូ​ដុស​ខ្លួន​មាន​ក្លិន​ទឹក​អប់​

In Case You Missed It

១. ញ៉ាំខ្លាញ់មិនគ្រប់គ្រាន់

២. ប្រើប្រាស់ស្ក្រាប់ដុសខ្លួនមានជាតិកាត់ខ្លាំង

៣. ងូតទឹកក្ដៅពេក

៤. ញ៉ាំអាហារធ្វើពីទឹកដោះគោច្រើនជ្រុល

៥. ប្រើប្រាស់សាប៊ូដុសខ្លួនមានក្លិនទឹកអប់