អាជ្ញាធរ បិទខ្ទប់ផ្ទះ៤ទីតាំង ក្រោយពីរកឃើញពាក់ព័ន្ធជាមួយអ្នកវិជ្ជមានកូវីដ១៩

រាជធានីភ្នំពេញ៖ នៅព្រឹកថ្ងៃទី២៨ ខែកក្កដា ឆ្នាំ២០២១នេះ ក្រុមការងាររដ្ឋបាលសង្កាត់ទឹកល្អក់ទី៣ បានចុះទៅបិទខ្ទប់ទីផ្ទះពាក់ព័ន្ធជាមួយអ្នកវិជ្ជមានកូវីដ១៩ ចំនួន៤ទីតាំង។ នេះបើតាមការឱ្យដឹងពីសាលាសង្កាត់ទឹកល្អកទី៣។

ទីតាំងទាំងបួននោះ រួមមាន៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១.ផ្ទះលេខ៦៦E2 ផ្លូវលេខ២៦១ ភូមិ៧ អ្នកវិជ្ជមានចំនួន ៤នាក់ ស្រីចំនួន ១នាក់ អ្នកពាក់ព័ន្ធ០នាក់ ស្នើសុំសម្រាកព្យាបាលនៅផ្ទះ។

២.ផ្ទះលេខ១១៦A ផ្លូវលេខ១៩២ ភូមិ៩ អ្នកវិជ្ជមានស្រីចំនួន ១នាក់ អ្នកពាក់ព័ន្ធប្រុសចំនួន ១នាក់ ។

៣.ផ្ទះលេខ៧ZB (បន្ទប់ជួលលេខ៨D) ច្រកផ្លូវលេខ២៦៩ ភូមិ១០ អ្នកវិជ្ជមានស្រីចំនួន១នាក់ អ្នកពាក់ព័ន្ធប្រុសចំនួន ១នាក់ ។

៤.ផ្ទះលេខ៦៩E ច្រកផ្លូវលេខ២៧១ ភូមិ១១ អ្នកវិជ្ជមានប្រុសចំនួន១នាក់ អ្នកពាក់ព័ន្ធចំនួន ៥នាក់ ស្នើសុំ

ជាមួយគ្នានោះ ក្រុមការងារ ក៏បាននាំយកអំណោយរបស់សម្តេចតេជោ ហ៊ុន សែន និងសម្តេចគតិព្រឹទ្ធបណ្ឌិតជូនដល់គ្រួសារធ្វើចត្តាឡីស័ក ក្នុងដំណាក់កាលរីករាលដាលជំងឺកូវីដ១៩ ចំនួន ៤ គ្រួសារ រួមមាន៖ អង្ករ២៥គីឡូក្រាម មី១កេស ទឹកស៊ីអ៊ីវ១យួ ត្រីខ១០កំប៉ុង។

សូមជម្រាបថា គិតត្រឹមថ្ងៃទី២៧ ខែកក្កដានេះ ក្រសួងសុខាភិបាលបានប្រកាសរកឃើញ ករណីឆ្លងសរុបចំនួន ៧៥,១៥២ ករណី ដោយករណីឆ្លងថ្មីចំនួន ៧៦៦ មានអ្នកជាសះស្បើយចំនួន ៦៧,៦៩២ នាក់ ក្នុងនោះ មានករណីស្លាប់ដោយសារជំងឺកូវីដ១៩ ចំនួន ១,៣៣៩៕