សុខភាពទ្វារមាសគឺជារឿងសំខាន់បំផុតមួយ ដែលស្រីៗយើងចាំបាច់យកចិត្តទុកដាក់ឲ្យបានដិតដល់។ ពិតណាស់ នៅពេលដែលទ្វារមាសមានសុខភាពមិនល្អ យូរៗទៅវាអាចនឹងបង្កជាបញ្ហាសុខភាពធ្ងន់ធ្ងរជាក់ជាមិនខាន។ ដូចនេះ ដើម្បីដឹងថាទ្វារមាសសុខភាពល្អ ឬអត់នោះ ស្រីៗយើងអាចសង្កេតមើលសញ្ញាទាំងនេះបាន។
គណនាថ្ងៃមេជីវិតញីទុំធ្លាក់នៅទីនេះ
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្ថានភាពជាក់លាក់អាចបង្ហាញពីការផ្លាស់ប្ដូរនៃសុខភាពទ្វារមាស
- ប្រែប្រួលពណ៌ ក្លិន ឬបរិមាណនៃការធ្លាក់ទឹករម្អិលទ្វារមាស
- រមាស់ទ្វារមាស
- ការធ្លាក់ឈាមនៅចន្លោះពេលមករដូវ បន្ទាប់ពីរួមភេទ ឬបន្ទាប់ពីចូលដល់វ័យអស់រដូវ
សញ្ញាបញ្ជាក់ថាទ្វារមាសសុខភាពល្អ៖
១. ការធ្លាក់ទឹករម្អិលទ្វារមាសប្រក្រតី
ការធ្លាក់ទឹករម្អិលទ្វារមាសជារឿងធម្មតាប៉ុណ្ណោះ ហើយវាក៏អាចបង្ហាញពីសុខភាពទ្វារមាសរបស់យើងផងដែរ។ ទឹករម្អិលពីទ្វារមាសត្រូវបានផលិតដោយក្រពេញក្នុងទ្វារមាស និងមាត់ស្បូន។ ទោះបីជាវាមានលក្ខណៈខុសៗគ្នាពីស្ត្រីម្នាក់ទៅស្ត្រីម្នាក់ទៀតក៏ពិតមែន ការធ្លាក់ទឹករម្អិលដែលប្រក្រតីមានសភាពថ្លា ឬល្អក់ និងមានក្លិនតិចតួច។ បន្ថែមពីនេះ ការធ្លាក់ទឹករម្អិលប្រក្រតីមិនមានពណ៌ខុសប្លែក ហើយក៏មិនមានរមាស់ដែរ។
២. ទ្វារមាសមិនរមាស់
ជាមួយគ្នានេះដែរ ទ្វារមាសមានសុខភាពល្អមិនរមាស់ឡើយ។ ជាក់ស្ដែង ការរមាស់ទ្វារមាសកើតឡើងដោយសារតែការបង្ករោគ វ័យអស់រដូវ និងសារធាតុដែលធ្វើឲ្យរមាស់ ឬអាចមកពីជំងឺស្បែក ឬជំងឺកាមរោគ។ ការរមាស់ទ្វារមាសក៏អាចបណ្ដាលឲ្យមានអារម្មណ៍ក្រហាយ ស្នាមក្រហម និងហើមនៅបរិមាណទ្វារមាស។
៣. មិនឈឺចាប់ពេលរួមភេទ
ទន្ទឹមនឹងនេះដែរ ស្រីៗយើងអាចមានអារម្មណ៍ឈឺចាប់នៅអំឡុងពេលរួមភេទ ប្រសិនបើមិនមានទឹករម្អិលចេញពីទ្វារមាសគ្រប់គ្រាន់ទេនោះ។ មួយវិញទៀត ការឈឺចាប់ខ្លាំងនៅអំឡុងពេលរួមភេទនេះ ក៏អាចបណ្ដាលមកពីលក្ខខណ្ឌសុខភាពមួយចំនួនដូចជាមេរោគក្នុងទ្វារមាស ការបង្ករោគ ឬបញ្ហាមាត់ស្បូន។
៤. មិនឈឺចាប់ទ្វារមាសជាទូទៅ
ការឆ្លងមេរោគមួយចំនួនអាចប៉ះពាល់ដល់យោនីឬទ្វារមាស ដែលបណ្ដាលឲ្យមានការឈឺចាប់ និងជួនកាលអាចមានអារម្មណ៍ក្ដៅក្រហាយនៅទ្វារមាស។ ជាទូទៅ ការឈឺចាប់នៅទ្វារមាសសុទ្ធតែបញ្ជាក់ពីបញ្ហាសុខភាពទ្វារមាសផ្សេងៗ ដែលស្រីៗយើងគប្បីតាមដានឲ្យបានដិតដល់ ក៏ដូចជាធ្វើការពិគ្រោះយោបល់ជាមួយនឹងគ្រូពេទ្យជំនាញ ទើបជាការប្រសើរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
