ចិត្តធម៌ណាស់! តារាសម្តែង Jo In Sung បរិច្ចាគរាប់លានដុល្លារអាមេរិក សាងសង់សាលារៀននៅក្នុងប្រទេសមួយ

កូរ៉េខាងត្បូង៖ តារាសម្តែងរបស់កូរ៉េត្បូង លោក Jo In Sung បានបរិច្ចាគទឹកប្រាក់ ៥០០ លានវ៉ុន ស្មើនឹង ៤៣២,៤៤៩.២៥ ដុល្លារអាមេរិក ដើម្បីជួយសាងសង់សាលា​នៅក្នុងប្រទេសតង់ហ្សានី។

បើតាមមូលនិធិសុខមាលភាព Milal តារាសម្តែងរូបនេះ បានផ្តល់ទឹកប្រាក់បរិច្ចាគក្នុងចំនួនយ៉ាងច្រើន ដើម្បីអបអរក្នុងថ្ងៃខួបកំណើតរបស់លោក កាលពីថ្ងៃទី២៨ ខែកក្កដា ហើយសាលាដែលមានឈ្មោះថា Singida New Vision School ត្រូវបានបញ្ចប់ការសាងសង់ នៅក្នុងភាគកណ្តាលប្រទេសតង់ហ្សានី នៅឆ្នាំ២០១២ ជាមួយទឹកប្រាក់ឧបត្ថម្ភចំនួន ៥០០ លានវ៉ុន ពីតារាសម្តែង Jo In Sung។ គួរបញ្ជាក់ដែរថា សាលានេះ​ត្រូវបានសាងសង់នៅក្នុងតំបន់ក្រីក្រមួយនៃប្រទេសតង់ហ្សានី ដែលមិនសូវមាននូវការផ្គត់ផ្គង់អគ្គិសនីនៅទីនោះ ប៉ុន្តែ បច្ចុប្បន្ននេះ សាលានេះ​កំពុងតែទទួលអប់រំសិស្សចំនួន ៣៥១នាក់ នៅក្នុងថ្នាក់មត្តេយ្យ៣ថ្នាក់ និង ថ្នាក់បឋមចំនួន៥ថ្នាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពព័ត៍មានមួយចំនួន បានបង្ហើបឱ្យដឹងថា Jo In Sung បានសំរេចចិត្តបរិច្ចាគបន្ទាប់ពីបានទទួលព័ត៍មានថា មូលនិធិសុខុមាលភាពMilal កំពុងមានបញ្ហាជាមួយនឹងថវិកាដើម្បីសាងសង់សាលារៀនមួយនៅតំបន់នោះ។ ក្នុងនោះ តារារូបនេះក៏បានទៅទស្សនាសាលា Singida New Vision នៅឆ្នាំ ២០១៩ និងបានដាំកូនឈើ Terminalia នៅក្នុងសួនកុមារ។

បើតាមប្រភពព័ត៌មានផ្សេងទៀត បានទម្លាយឱ្យដឹងថា Jo In Sung ត្រូវបានគេដឹងថាបានបរិច្ចាគថវិកាសរុបចំនួន ៨០០ លានវ៉ុន ស្មើនឹង ៦៩១,៨២០.០៩ ដុល្លារ ជារៀងរាល់ឆ្នាំចាប់ពីឆ្នាំ ២០១១ ដល់ឆ្នាំ ២០១៩ ដល់មជ្ឈមណ្ឌលវេជ្ជសាស្ត្រអាស៊ាន៕