ក្តៅៗ អគ្គិភ័យឆេះយ៉ាងសន្ធោសន្ធៅ នៅម្តុំស្ពានជ្រោយចង្វារ លេបត្របាក់ឡានក្រុង ជាច្រើនគ្រឿង

រាជធានីភ្នំពេញ៖ នៅថ្ងៃទី៣០ ខែកក្កដា ឆ្នាំ២០២១នេះ​ មានករណីអគ្គិភ័យឆាបឆេះ  នៅវេលាម៉ោងចាប់ពី ៣៖៣០ នាទី នៅទីតាំងក្រុមហ៊ុនវីះប៊ុនថាំ នៅម្តុំព្រហ្មមុខបួន ស្ពានជ្រោយចង្វារ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

តាមប្រភពព័ត៍មានពីប្រជាពលរដ្ឋនៅទីនោះ អគ្គិភ័យឆេះយ៉ាងខ្លាំងបែបនេះ ផ្ទុះឆេះពីធុងសាំង៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពព័ត៍មានដដែល ករណីអគ្គិភ័យនេះ បានឆាបឆេះលេបត្របាក់នូវឡានក្រុងធំជាច្រើនគ្រឿង ដោយបង្កឱ្យមានការភ្ញាក់ផ្អើលជាខ្លាំងពីប្រជាពលរដ្ឋ នៅទីតាំងកើតហេតុនោះ។

តាមប្រភពដដែលបានឱ្យដឹងថា ប្រតិបត្តិការនៃការពន្លត់អគ្គិភ័យនេះ កំពុងត្រូវកងកម្លាំងអាជ្ញាធរ ធ្វើការយ៉ាងសស្រាកស្រាំ ដើម្បីពន្លត់អគ្គិភ័យដែលឆេះយ៉ាងសន្ធោសន្ធៅ។

សម្រាប់ព័ត៍មានបន្ថែម យើងនឹងធ្វើការអាប់ដេតព័ត៍មានបន្តទៀត៕