៤ចំណុច ប៉ះពាល់ដល់ការលូតលាស់កូនក្នុងផ្ទៃ ម៉ាក់ៗគួរដឹង!

នៅអំឡុងពេលមានផ្ទៃពោះ ម៉ាក់ៗចាំបាច់ត្រូវយកចិត្តទុកដាក់ចំពោះសកម្មភាពប្រចាំថ្ងៃ និងរបបអាហារទ្វេដង ដើម្បីធានាថាខ្លួន និងកូនក្នុងផ្ទៃមានសុខភាពល្អ។ យ៉ាងណាមិញ មានចំណុចមួយចំនួនដែលយើងចាំបាច់ត្រូវជៀសវាងអំឡុងពេលមានផ្ទៃពោះ ពីព្រោះវាអាចប៉ះពាល់ដល់ការលូតលាស់របស់កូនក្នុងផ្ទៃ។

ការថែទាំសុខភាពរាងកាយជារឿងសំខាន់ណាស់នៅអំឡុងពេលមានគភ៌។ ដូច្នេះហើយ ម៉ាក់ៗគប្បីញ៉ាំរបបអាហារល្អ ដែលមានវីតាមីនចម្រុះ និងសារជាតិរ៉ែសម្រាប់ជួយដល់ការលូតលាស់ និងការអភិវឌ្ឍរបស់ទារក។ ជាមួយគ្នានេះដែរ យើងចាំបាច់ញ៉ាំទឹកឲ្យបានគ្រប់គ្រាន់ ដើម្បីបញ្ចៀសបញ្ហាកង្វះជាតិទឹក និងការទល់លាមក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មួយវិញទៀត ការធ្វើលំហាត់ប្រាណជាទៀងទាត់ ក៏អាចជួយទប់ស្កាត់ការឡើងទម្ងន់ និងបញ្ហាផ្សេងដែលទាក់ទងនឹងការមានផ្ទៃពោះផងដែរ។ ប៉ុន្តែមានរឿងរ៉ាវជាច្រើនដែលអាចប៉ះពាល់ដល់ការលូតលាស់របស់ទារក ដែលម៉ាក់ចាំបាច់ត្រូវជៀសវាង។

គណនាថ្ងៃសម្រាលកូន នៅទីនេះ

៤ចំណុច គួរជៀសវាងអំឡុងពេលមានគភ៌

១. ខ្យល់ពុល

ការសិក្សាជាច្រើនបានបង្ហាញថា ការប៉ះពាល់ខ្យល់ពុលអំឡុងពេលមានផ្ទៃពោះ អាចជះឥទ្ធិពលអវិជ្ជមានដល់ការលូតលាស់របស់ទារក។ ដំណាក់កាលដែលម៉ាក់ៗ គួរប្រយ័ត្នប្រយែងបំផុតគឺនៅពេលទើបមានផ្ទៃពោះ និងជិតសម្រាលកូន។

២. ស្រ្តេស

ពិតណាស់ អារម្មណ៍ស្រ្តេសនៅអំឡុងពេលមានផ្ទៃពោះជារឿងធម្មតាប៉ុណ្ណោះ។ ប៉ុន្តែ កម្រិតស្តេ្រសខ្ពស់ក៏អាចបង្កើនឱកាសនៃការកើតកូនមិនគ្រប់ខែ ឬកូនមានទម្ងន់ខ្លួនមិនគ្រប់គីឡូ។ ហេតុនេះហើយ ម៉ាក់ៗគប្បីស្វែងរកវិធីសាស្ត្រផ្សេងៗ ដើម្បីកាត់បន្ថយស្រ្តេសឲ្យនៅកម្រិតទាប ទើបជាការប្រសើរ។

៣. គ្រឿងស្រវឹង

ការញ៉ាំគ្រឿងស្រវឹងអំឡុងពេលមានគភ៌ ទោះជាក្នុងកម្រិតមធ្យម ក៏អាចប៉ះពាល់ដល់កូនក្នុងផ្ទៃដូចជាមានការលូតលាស់យឺត ទម្ងន់ខ្លួនទាប ការអភិវឌ្ឍយឺតយ៉ាវ ផ្ទៃមុខមានលក្ខណៈខុសប្រក្រតី និងខ្សោយបញ្ញាជាដើម។

៤. ជាតិកាហ្វេអ៊ីន

បន្ថែមពីនេះ ការញ៉ាំកាហ្វេអ៊ីនកម្រិតខ្ពស់ អំឡុងពេលពពោះក៏អាចបង្កើនហានិភ័យនៃការរលូតកូន និងកូនលូតលាស់យឺតយ៉ាវ។ ភេសជ្ជៈដែលមានជាតិកាហ្វេអ៊ីន មានដូចជាកាហ្វេ តែ និងភេសជ្ជៈដែលមានជាតិហ្គាសដទៃទៀត។ ដូចនេះ ម៉ាក់ៗគប្បីជ្រើសរើសញ៉ាំភេសជ្ជៈដែលគ្មានជាតិកាហ្វេអ៊ីនជំនួសវិញ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

៤​ចំណុច​ គួរ​ជៀសវាង​អំឡុង​ពេល​មាន​គភ៌​

១. ខ្យល់​ពុល

២. ស្រ្តេស​

៣. គ្រឿង​ស្រវឹង​

​៤. ជាតិ​កាហ្វេអ៊ីន​

In Case You Missed It

៤ចំណុច គួរជៀសវាងអំឡុងពេលមានគភ៌

១. ខ្យល់ពុល

២. ស្រ្តេស

៣. គ្រឿងស្រវឹង

៤. ជាតិកាហ្វេអ៊ីន