រន្ធត់ចិត្ត! ទីបំផុតដឹងអត្តសញ្ញាណអ្នកស្លាប់ ក្នុងគ្រោះអគ្គីភ័យម្សិលមិញហើយ

រាជធានីភ្នំពេញ: កាលពីថ្ងៃទី៣០ ខែកក្កដា ឆ្នាំ២០២១កន្លងទៅម្សិលមិញនេះ មានហេតុការណ៍អគ្គីភ័យដ៏កក្រើកមួយបានកើតឡើង ដោយបានសាបឆេះ និងលេបត្របាក់ទីកន្លែងចំណតរថយន្តមួយកន្លែងរបស់ក្រុមហ៊ុនវីរ:ប៊ុនថាំ ដោយនៅក្នុងហេតុការណ៍ដ៏រន្ធត់នោះ ក៏បានឆក់យកជីវិតមនុស្សម្នាក់ផងដែរ។

យ៉ាងណាមិញក្រោយពីកើតហេតុការណ៍ដ៏រន្ធត់នេះ ស្រាប់តែមានគណនីហ្វេសប៊ុក ដែលអះអាងថាជាបងប្រុស និងជាមិត្តភក្តិរបស់ជនរងគ្រោះបានចេញមកទម្លាយយ៉ាងដូច្នេះថា÷

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ខ្ញុំបានបាត់ប្អូនប្រុសម្នាក់ឈ្មោះ លឹម ចន្នារិទ្ធ ធ្វើនៅ ក្រុម ហ៊ុន វីរ:ប៊ុនថាំ នៅក្បែរខណ្ឌជ្រោយចង្វារ ភ្នំពេញ ដែលផ្ទះ កាស់កាលពីរសៀលនេះ (៣០.៧.២០២១) ហើយខ្ញុំបាទ ទាក់ទងទៅគាត់ហើយមិនចូលសោះ បើតាមរបាយការណ៍ អគ្គីភ័យនៅនឹងកន្លែងកើតហេតុមានអ្នកស្លាប់ម្នាក់ មិន ស្គាល់អត្តសញ្ញាណ,ខ្ញុំសូមបញ្ជាក់អត្តសញ្ញាណ ឈ្មោះ លឹម ចន្នារិទ្ធ ភេទប្រុស ទីកន្លែងកំណើត : ភូមិស្វាយទង ឃុំស្វាយទងខាងត្បូង ស្រុកកំពង់ត្រាច ខេត្តកំពត, លេខខ្ញុំ 078900808

សាររបស់បងប្រុស

បន្ថែមលើសពីនោះ មិត្តជិតស្និទ្ធនឹងជនរងគ្រោះនាក់ ក៏បានចេញមកទម្លាញរូបភាព អមដោយសារប៉ុន្មានម៉ាត់ថា÷

#គួរឲ្យសង្វេគណាស់ ភ្លើងឆេះស្លាប់នៅក្នុងឡានក្រុង មិនដឹងថាឯងក្តៅប៉ុណ្ណាទេសម្លាញ់ ប្រហែលជាឯងខំស្រែកហៅម៉ែ ឪបងប្អូនមិត្តភ័ក្តិ ឲ្យជួយយ៉ាងណាទេ គ្នាអាណិតឯងណាស់ សម្លាញ់ បើមានជាតិក្រោយយើងនិងធ្វើជាបងប្អូននិងគ្នាទៀត សូមឲ្យដួងវិញ្ញាណរបស់ឯង ទៅកាន់សុគតិភពចុះ ជួបនៅពរ៤ប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ.

សាររបស់មិត្តភក្តិ

ចង់ជ្រាបកាន់តែច្បាស់ថែមទៅទៀតនោះ សូមទស្សនារូបភាពខាងក្រោមនេះ÷

គ្រោះអគី្គភ័យឆេះចំណតឡានក្រុងវីរ:បុត្រថាំង

ជីវិត

រូបភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

រន្ធត់ចិត្ត! ទីបំផុតដឹងអត្តសញ្ញាណអ្នកស្លាប់ ក្នុងគ្រោះអគ្គីភ័យម្សិលមិញហើយ

In Case You Missed It