ធ្លាប់ធ្វើតាម Idol អត់? ស្ទាយ៍ប្រចាំត្រកូល របស់តារាទាំងនេះ ធ្វើឲ្យ ហ្វេន ធ្វើតាមព្រាត

កូរ៉េខាងត្បូង៖ ជាការពិតណាស់ បើនិយាយដល់ការលេងខ្លួនស្អាតៗ ទាន់សម័យនិងជាទីពេញនិយម ជឿជាក់ថាមនុស្សគ្រប់គ្នាច្បាស់ជាមិនមើលរំលងទេអំពីតារាៗដែលស្ថិតនៅប្រទេសកូរ៉េខាងត្បូង។ ដោយសារតែពួកគេទាំងនោះ មានភាពប៉ិនប្រសប់ខ្លាំងខាងការនិយមតុបតែងខ្លួនថ្មីៗប្លែកៗរហូត មិនដែលឲ្យហ្វេនៗមានការសាំភ្នែកនោះឡើយ។

ទន្ទឹមនឹងនេះដែរ សម្រាប់ការលេងស្ទាយ៍តែងខ្លួននីមួយៗរបស់ពួកគេទាំងនោះ មិនថាតែការលេងម៉ូតសក់ ម៉ូតសម្លៀកបំពាក់ សុទ្ធសឹងតែមានភាពលេចធ្លោរ ទាក់ទាញ រហូតមានក្រុមអ្នកគាំទ្រនៅស្ទើរជុំវិញពិភពលោកយកទៅធ្វើតាមជាហូរហែ។ ជាពិសេស បើក្រឡេកមកមើលរូបភាពទាំងប៉ុន្មានខាងក្រោមនេះ គឺសុទ្ធសឹងតែជាស្ទាយ៍ដ៏ពេញនិយមរបស់ពួកគេទាំងនោះ ដែលអ្នកនិយមលេងប្រព័ន្ធអ៊ីនធើណេតយកទៅធ្វើតាមសឹងគ្រប់គ្នា៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១.Wendy (Red Valvet)

ម៉ូតសក់ខ្លីត្រឹម.ក របស់តារាស្រីរូបនេះ ក៏ពេញនិយមខ្លាំងមិនធម្មតាដែរ។

២.f (x)

កាលពីឆ្នាំ ២០១៤ ក្រុមនេះ ចូលចិត្តស្លៀកសំពត់ឈុតកីឡាវាយសីនេះណាស់ នៅពេលពួកគេឡើងឆាកប្រគំតន្ត្រីម្ដងៗ។ មិនយូរប៉ុន្មានម៉ូតសំពត់នេះក៏មានការពេញនិយមខ្លាំងផងដែរសម្រាប់នារីៗ។

៣.Sulli

មួយស្ទាយ៍នេះ ក៏មានភាពទាក់ទាញមិនធម្មតាដែរ ដោយតារាស្រីរូបនេះ តុបតែងមុខនិងម៉ូតសក់ មានពណ៌ផ្កាឈូកសុទ្ធមើលទៅដូចផ្លែប៉េះតែម្ដង។

៤.Jennie (BLACKPINK)

នៅពេលបង្ហាញខ្លួនជាមួយបទ Solo កាលពីឆ្នាំ ២០១៩ Jennie ក៏ធ្វើឲ្យ BLINK ចាប់អារម្មណ៍លើម៉ូតសក់ពុះពាក់កណ្ដាល នឹងកៀបតង្កៀបតូចៗផងដែរ។ និងក្រោយមកទៀត នៅពេលចេញបទ How you like that នាងក៏លាបសក់ពណ៌សនិងខ្មៅលាយគ្នា គ្រប់គ្នាក៏ផ្ទុះនាំគ្នាលាបតាមព្រោងព្រាត។

៥.G-Dragon

ទោះការពាក់ស្បែកជើងបញ្ចេញកែងជើងមកដូចមនុស្សខ្ជិលពាក់ក៏ដោយ តែស្ទាយ៍បែបនេះរបស់ G-Dragon ក៏មានការពេញចិត្តពីហ្វេនៗច្រើន។

៦. Jisoo (BLACKPINK)

កាលបង្ហាញ Poster ក្នុងការវិលត្រឡប់ជាមួយបទ How you like that ម៉ូតសក់ចងទីងទុយជាមួយបូធំៗ ទម្លាក់សក់មកមុខរ៉ុយៗ របស់ Jisoo  នេះហើយ ដែលគ្រប់គ្នាចាប់អារម្មណ៍នឹងធ្វើតាមសឹងគ្រប់គ្នា។

៧.Lisa (BLACKPINK)

ស្ទាយ៍លេងខ្លួនដែលពេញនិយមរបស់ Lisa គឺការពាក់អាវយឺតខើចចេញក្បាលពោះនឹងរាងដ៏ស្លីមរបស់នាង ជាមួយខោខូវប៊យ។

៨.SNSD

ត្រឡប់ទៅកាលពីជាង ១០ឆ្នាំមុន ម៉ូតសម្លៀកបំពាក់ដែលគ្រប់គ្នាស្លៀកតាមក្រុមនេះ គឺម៉ូតខោខូវប៊យចម្រុះពណ៌ហ្នឹងតែម្ដង។

• រូបភាព
• តារាកូរ៉េ