រដ្ឋបាលខេត្ត​បន្ទាយមានជ័យ​ ប្រកាសជ្រើសរើស ក្រុមគ្រូពេទ្យស្មគ្រ័ចិត្ត បម្រេីការងារក្នុងការប្រយុទ្ធនិងជំងឺកូវីដ-១៩

ខេត្តបន្ទាយមានជ័យ៖ នៅថ្ងៃទី០២ ខែសីហា​ ឆ្នាំ២០២១នេះ រដ្ឋបាលខេត្តបន្ទាយមានជ័យ បានប្រកាសជ្រើសរើសក្រុមគ្រូពេទ្យស្ម័គ្រចិត្ត ដោយឥតលក្ខខណ្ឌ មិនទាមទារក្របខណ្ឌរដ្ឋ ក្រោមការឧបត្ថម្ភថវិការបស់រាជរដ្ឋាភិបាល ក្នុងរយៈពេលនៃការចូលរួមក្នុងការងារប្រយុទ្ធប្រឆាំងជំងឺកូវីដ១៩ តាមមុខជំនាញដូចខាងក្រោម៖

• វេជ្ជបណ្ឌិត ចំនួន ២០រូប

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

• បច្ចេកទេសមន្ទីរពិសោធន៍ ចំនួន ១០រូប

• ព័ត៍មានវិទ្យា ចំនួន ០៥រូប

• អ្នកបើកបររថយន្ត ចំនួន​ ០៣រូប។

លក្ខណៈសម្បត្តិដែលត្រូវជ្រើសរើសមានដូចខាងក្រោម​៖

១. ត្រូវមានអាយុចាប់ពី២០ឆ្នាំ ដល់៣៥ឆ្នាំ

២. មានសញ្ញាបត្រ ដែលទទួលស្គាល់ពីក្រសួងសុខាភិបាល ឬក្រសួងអប់រំ យុវជន និងកីឡា

៣.ត្រូវចេះប្រើប្រាស់កម្មវិធី Computer Microsoft Word, Microsoft Excel

៤. ស្មោះត្រង់ ខិតខំប្រឹងប្រែងតស៊ូ និងឧស្សាហ៍ព្យាយាមធ្វើការ និងមានទំនាក់ទំនងល្អ

៥. មានគំនិតច្នៃប្រឌិត អត់ធ្មត់ការងារ និងមានឆន្ទៈ ក្នុងការធ្វើការងារជាក្រុម

៦. មានក្រមសីលធម៍ល្អ និងគោរពបទបញ្ជាផ្ទៃក្នុង៕