ក្រៅពីអាជីពជាអ្នកសិល្បៈ តារាទាំងនេះថែមទាំងជាអ្នកបម្រើការលើយន្តហោះ ដែលយុវជនជាច្រើនស្រម៉ៃចង់ធ្វើ

ភ្នំពេញ៖ ជាការពិត វិស័យសិល្បៈបានផ្ដល់ឱកាសការងារជាច្រើនដល់សិល្បករ សិល្បការិនី មិនថាតារាជើងចាស់ ឬតារាជំនាន់ក្រោយនោះទេ។ លើសពីនេះទៅទៀត ការងារសិល្បៈ ជាការងារមួយដែលមានមហាជនជាច្រើនផ្ដល់តម្លៃឲ្យ និងជួយគាំទ្ររាល់ស្នាដៃសិល្បៈ មិនថាផ្នែកបុរាណឬសម័យនោះទេ។ ម្យ៉ាងវិញទៀត មានតារាជាច្រើន ទទួលបាននូវកេរ្ដិ៍ឈ្មោះល្បីល្បាញ ហលយមានជីវភាពល្អប្រសើរក៏ដោយសារការងារលើវិថីសិល្បៈផងដែរ។

ជាមួយគ្នានេះដែរ ស្របពេលប្រឡូកក្នុងវិស័យការងារសិល្បៈ គេក៏ឃើញមានតារាខ្មែរ ជាច្រើនបានបង្កើតនូវមុខរបរបន្ទាប់បន្សំ ដើម្បីបង្កើននូវជីភាពប្រចាំថ្ងៃ។ ដោយមានអ្នកខ្លះ បើកនូវមុខជំនួញ ចំណែកអ្នកខ្លះទៀតលក់ផលិតផលតាមអនឡាញបង្កើននូវប្រេនថ្មីផ្ទាល់ខ្លួនទៀតផង។ ក្នុងនោះដែរ ក៏មានតារាខ្លះ មានឱកាសធ្វើការនៅក្នុងជួររាជការ ព្រមទាំងមានឋានៈខ្ពស់ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង បើក្រឡេកមើលតារាខ្មែរប៉ុន្មានរូបនេះវិញ គេដឹងថាតារាទាំងនេះ ជាអ្នកបម្រើការនៅលើយន្តយន្ត ដែលជាការងារមួយមានយុវជនជាច្រើនប៉ងចង់ធ្វើការងារមួយនេះ។ ដោយតារាខ្មែរ ដែលមានឱកាសធ្វើការនៅលើយន្តហោះនោះមានដូចជា៖

១៖ លោក ភួង សាវតា

ក្រោយផ្ទុះកូវីដ-១៩ កម្លោះសង្ហាលោក ភួង សាវតា បានចូលខ្លួនប្រឡូកក្នុងវិស័យសិល្បៈក្នុងផ្នែកចម្រៀង និងសម្ដែង។ បើទោះបីទើបតែប្រឡូកក្នុងវិស័យមួយនេះ តែលោកពិតជាមានសន្ទុះនៃការគាំទ្រ ហើយមានភាពមមាញឹកជាមួយការងារច្រើនក្នុងវិស័យសិល្បៈផងដែរ។

២៖ កញ្ញា ប៉ែន ពុណ្ណាវុឌ្ឍន៍

បើនិយាយដល់កញ្ញា ប៉ែន ពុណ្ណាវុឌ្ឍន៍ គេដឹងថាជាអតីតបវរកញ្ញាលំដាប់រងទី៤ក្នុងកម្មវិធី Miss Cambodia ២០១៦។ ក្រោយជាប់ជាបវរកញ្ញា តារាស្រីរូបនេះក៏មានឱកាសធ្វើការនៅលើយន្តហោះ ដូចក្ដីស្រម៉ៃដែលធ្លាប់ប៉ង។

៣៖ អ្នកនាង លន់ បូដាលីស

ចំពោះអ្នកនាង លន់ បូដាលីស នាងជាអតីតពិធីការិនី និងជាអតីតបេក្ខភាពក្នុងកម្មវិធី Cambodia Next Top Model ដែលនាងទទួលបានចំណាត់ថ្នាក់លេខ៣។ ក្រោយស្ងាត់ពីវិស័យសិល្បះ នាងបានធ្វើការងារជាអ្នកបម្រើការនៅលើយន្តហោះតាមក្ដីស្រម៉ៃដូចគ្នា។ ហើយគេដឹងទៀតថា បច្ចុប្បន្ននាងបានរៀបការកសាងជីវិតគ្រួសារ និងកំពុងពរពោះដំបូងផងដែរ។

៤៖ លោក ណាក់

បើក្រឡេកមកមើលកម្លោះសង្ហាមានសាច់ដុំធំ លោក ណាក់ បច្ចុប្បន្នតារារូបនេះ ជាតារាម៉ូដែល ដែលទទួលបានប្រជាប្រិភាព ព្រមទាំងមានបទពិសោធន៍លើវិស័យហ្វេសស៊ិនអស់ជាច្រើនឆ្នាំមកហើយ។ ក្នុងនោះដែរ សព្វថ្ងៃកម្លោះសង្ហារូបនេះ ក៏ជាអ្នកធ្វើការលើយន្តហោះ មិនខុសពីតារាទាំង៣ខាងលើនោះទេ។

• ការងារ
• រូបភាព
• តារាខ្មែរ