តិចច្រឡំនៅក្រៅប្រទេស! កន្លែងកម្សាន្តកែច្នៃមួយនេះនៅខេត្តតាកែវ កំពុងទាក់ទាញមនុស្សទៅលេងព្រោងព្រាត

កម្សាន្ត៖ ថ្មីៗនេះ ក្រុមយុវវ័យ និងអ្នកនិយមលេងបណ្ដាញសង្គមជាច្រើន បាននាំគ្នាមានការចាប់អារម្មណ៍ខ្លាំង ជាមួយនឹងកន្លែងកម្សាន្តដែលទើបតែកែច្នៃថ្មីមួយកន្លែង ស្ថិតក្នុងភូមិត្នោត ឃុំត្នោត ស្រុកបាទី ខេត្តតាកែវ ដែលមានចម្ងាយប្រមាណជា ៥០ ទៅ ៦០គីឡូប៉ុណ្ណោះពីរាជធានីភ្នំពេញ។ កន្លែងកម្សាន្តមួយនេះដែរ ត្រូវបានគ្រប់គ្នាស្គាល់ថា «ភ្នំចំបាប់»។

ដោយទីនេះ មានទីធ្លាធំទូលាយ ខ្យល់អាកាសបរិសុទ្ធ ទេសភាពក៏ស្រស់ស្អាតត្រជាក់ភ្នែក មានភ្នំនៅអមនឹងមាត់ថ្លុកដែលមានដក់ទឹកពណ៌យ៉ាងខៀវស្រងាត់ មើលទៅពិតជាប្លែកភ្នែកខ្លាំងមែនទែន។ ជាហេតុធ្វើក្រុមអ្នកចូលចិត្តដើរលេង មានការពេញចិត្ត និងមកលេងកម្សាន្ត បោះតង់អាំងសាច់ញ៉ាំជុំមិត្តភក្ដិ និងថតរូបលេងជាច្រើនព្រោងព្រាតផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ថា ភ្នំចំបាប់នេះ ដំបូងឡើយគ្រាន់តែជាភ្នំដែលមានទិដ្ឋភាពធម្មតាៗដូចភ្នំដទៃយ៉ាងដូច្នោះ តែក្រោយមកភ្នំនេះត្រូវបានគេជីកកាយយកថ្មមកធ្វើជាផ្លូវ និងផ្គត់ផ្គង់តម្រូវការនានា ទើបទីនេះក៏បានប្រែក្លាយជាបឹងដែលមានទឹកដក់យ៉ាងច្រើនអមដងភ្នំ និងក្លាយកន្លែងកម្សាន្តដ៏ទាក់ទាញរហូតមកដល់សព្វថ្ងៃនេះទៅ៕

សូមទស្សនារូបភាពខាងក្រោម៖

រូបភាពពី៖ AllCare Travel

• ទីកន្លែង
• រូបភាព