ញាក់សាច់! ពេលបានដឹងតម្លៃផ្សាយផលិតផលរបស់តារាសម្តែង Song Hye Kyo ថ្លៃកប់ពពក

កូរ៉េខាងត្បូង៖ កាលពីថ្ងៃទី០៤ ខែសីហា ឆ្នាំ២០២១នេះ តាមរយៈផ្សាយសារព័ត៍មាន TMI របស់ទូរទស្សន៍កូរ៉េខាងត្បូង Mnet បានឱ្យដឹងថា ការផ្សព្វផ្សាយដើរផលិតផលរបស់តារាស្រី Song Hye Kyo មានតម្លៃប្រមាណដល់ទៅ ៧៨៨,១៨៧ ដុល្លារអាមេរិក កាលពីឆ្នាំ២០១៩។ ចំណែកឆ្នាំនេះ ចំពោះការផ្សព្វផ្សាយចំនួន ៤ របស់ Song Hye Kyo បានថត មានតម្លៃទឹកប្រាក់ប្រមាណ ៣,១៥២,៥៨៥ ដុល្លារអាមេរិក។ 

វត្តមានបង្ហាញខ្លួនរបស់ Song Hye Kyo នៅក្នុងឧស្សាហកម្មផ្សាយពាណិជ្ជកម្មត្រូវបានឃើញជាញឹកញាប់។ BB cream compact ដែល Song Hye Kyo ត្រូវបានគេមើលឃើញថាកំពុងប្រើប្រាស់ បានទទួលការលក់ ១ លានគ្រឿងហើយក្រែមលាបមាត់ដែលនាងប្រើបានលក់ដាច់ជាង ១៦ ម៉ឺនមុខក្នុងរយៈពេលមួយខែ។ លើសពីនេះឥទ្ធិពលដ៏អស្ចារ្យរបស់ Song Hye Kyo មិនរើសអើងប្រព័ន្ធផ្សព្វផ្សាយណាមួយឡើយ។ យោងតាមការផ្សាយរបស់ TMI NEWS យីហោម៉ូតពិភពលោកបានវិភាគថា ការផ្សាយពាណិជ្ជកម្មមួយដែលធ្វើឡើងដោយ Song Hye Kyo នៅលើ Instagram ផ្ទាល់ខ្លួន ផ្តល់ឱ្យនាងនូវទឹកប្រាក់ ប្រហែល ៤៧៧ ៩០០ ដុល្លារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដើម្បីឆ្លើយតបទៅនឹងព័ត៌មាននេះ លោក Jun Hyun Moo ដែលជាពិធីករនៃទូរទស្សន៍ TMI NEWS បានអត្ថាធិប្បាយថា៖ ដូច្នេះប្រសិនបើនាងបង្ហោះសារមួយក្នុងពេលគេង នាងនឹងក្លាយជាការផ្សាយពាណិជ្ជកម្ម ដោយទទួលទឹកប្រាក់ប្រមាណ ៤៣៧,៧៧៤ ដុល្លារ៕

ប្រភព៖ Allkpop