ថៃ៖ បច្ចុប្បន្ននេះ គូស្នេហ៍ដ៏ពេញនិយម រវាងតារាប្រុស លោក New Wongsakorn និង តារាស្រី Now Tisanart កំពុងតែត្រូវបានមនុស្សជាច្រើនលួចច្រណែន ពីភាពផ្អែមល្ហែមនិងការយល់ចិត្តគ្នា ដែលតែងតែបង្ហាញនៅលើបណ្ដាញសង្គម បន្ទាប់ពីមានទំនាក់ទំនងជាមួយគ្នា អស់រយៈពេលជាង ៨ ឆ្នាំមកនេះ។
ដោយឡែក កាលពីថ្មីៗនេះដែរ តារាប្រុសស្រីមួយគូនេះ បានចាប់ដៃគ្នា បើកបង្ហើបពីរឿងរ៉ាវស្នេហាគ្រាដំបូង នៅក្នុងកម្មវិធីមួយដែលគួរឲ្យចាប់អារម្មណ៍យ៉ាងខ្លាំង។ នៅក្នុងនោះដែរ តារាស្រី Now បានប្រាប់ថា នៅពេលដែលអ្នកទាំងពីរជួបគ្នាដំបូង អ្នកទាំងពីរមិនបាននិយាយគ្នានោះទេ ទាល់តែបន្ទាប់ពីថតរឿងចប់ទើប ពួកគេបាននិយាយគ្នា។ ជាពិសេស នាងថែមទាំងបន្តទៀតថា នៅពេលកំពុងតែថតរឿងជាមួយគ្នា លោក New មិនបាននិយាយជាមួយនាងទាល់តែសោះ មិនទាំងដឹងថា តារាប្រុសរូបនេះ ជាមនុស្សបែបណាទេ ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលគួរឲ្យចាប់អារម្មណ៍នៅក្នុងរឿងរ៉ាវមួយនេះ នោះគឺនៅពេលដែល តារាស្រី Now បានសារភាពថា កាលពីដំបូងនាងមិនចូលចិត្ត លោក New នោះទេ ដោយសារតែ តារាប្រុសរូបនេះ ហាក់មើលទៅមានភាពក្រអឺតក្រទម មិននិយាយស្ដីអ្វីទាំងអស់ ។ ជាពិសេស Now ថែមទាំងគិតថា កាលពីដំបូងឡើយ គូស្នេហ៍បណ្ដូលចិត្តម្នាក់នេះ ក៏មិនមែនជាបុរសពិតនោះដែរ ព្រោះនៅក្នុងអំឡុងពេលនោះ ព័ត៌មានថ្មីៗអំពីបញ្ហានេះកាន់តែមានឡើងជាបន្តបន្ទាប់។
យ៉ាងណាមិញ ខណៈពេលនេះដែរ ស្នេហារបស់អ្នកទាំងពីរ គឺកាន់តែមានភាពរីករាយ ពោរពេញដោយក្ដីស្រឡាញ់ មិនត្រឹមតែប៉ុណ្ណោះ លោក New តែងតែមើលថែ Now បានយ៉ាងល្អ បន្ទាប់ពីពួកគេមានទំនាក់ទំនងស្នេហាអស់រយៈយ៉ាងយូរមកនេះ ដែលធ្វើឲ្យអ្នកគាំទ្រសម្រាប់គូស្នេហ៍អ្នកទាំងពីរ កំពុងតែរង់ចាំពីដំណឹងល្អ ក្នុងពេលឆាប់ៗខាងមុខនេះ ផងដែរ៕
ប្រភព៖ Kapook
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
