ក្រោយឆ្លងកូវីដ និងសម្រាកព្យាបាលជិតកន្លះខែ ពេលនេះ តារាសម្ដែង ដុងហេ ជាសះស្បើយហើយ

កូរ៉េខាងត្បូង៖ កាលថ្ងៃទី ២៦ ខែកក្កដាកន្លងទៅ បណ្តាញព័ត៌មានកូរ៉េជាច្រើនបានរាយការណ៍ថា តារាសម្ដែង Ji Chang Wook ឬខ្មែរយើងតែងស្គាល់ក្នុងរឿងជាតួ ដុងហេ លោកបានឆ្លងជំងឺកូវីដ ១៩ ហើយត្រូវនៅដាច់ដោយឡែកដើម្បីព្យាបាល ហើយកាលវិភាគថតរឿង និងការងារសិល្បៈនានារបស់លោកក៏ត្រូវបានផ្អាកទាំងអស់។

យ៉ាងណាមិញ រហូតមកថ្ងៃទី ៦ ខែសីហានេះ បន្ទាប់ពីការព្យាបាលរយៈពេលជិត ២សប្តាហ៍ ទីបំផុតអ្នកគ្រប់គ្រងរបស់តារាប្រុសរូបនេះ ក៏បានប្រកាសដំណឹងក្តៅៗអំពីស្ថានភាពរបស់ Ji Chang Wook ផងដែរថា ពេលនេះតារាសម្តែងរូបនេះ បានជាសះស្បើយពីជំងឺកូវីដហើយ និងកំពុងបន្តនៅដាក់ឃុំខ្លួន ១៤ថ្ងៃបន្ថែមទៀត ដើម្បីតាមដានសុខភាពរបស់លោក។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ ដំណឹងនេះបានធ្វើឲ្យអ្នកគាំទ្រមានការរំភើបយ៉ាងខ្លាំងពេលឃើញអាយដលរបស់ខ្លួន បានត្រឡប់មកជាសះស្បើយវិញបែបនេះ៕

ប្រភព៖ Kenh14

• រូបភាព
• តារាកូរ៉េ