ផ្ទុះវីរុសកូវីដ១៩ បំប្លែងថ្មី នៅអង់គ្លេស ជាមេរោគមិនខ្លាចវ៉ាក់សាំង

អង់គ្លេស៖ តាមប្រភពព័ត៍មានពីមន្ត្រីអង់គ្លេសបានឱ្យដឹងថា មានភស្តុតាងបានបង្ហាញការចាក់វ៉ាក់សាំងកូវីដ១៩ ប្រឆាំងវីរុសបំប្លែងថ្មីគឺមិនសូវមានប្រសិទ្ធភាពទេចំពោះវីរុសបំប្លែងថ្មីមួយប្រភេទទៀត ដែលក្នុងនោះ មានករណីរកឃើញមេរោគបំប្លែងថ្មីចំនួន ៣៧ករណីហើយ នៅក្នុងចក្រភពអង់គ្លេស។

ករណីនៃមេរោគបំប្លែងថ្មីដែលត្រូវបានគេស្គាល់ថាជា VUI-21JUL-01 ឬ B.1.621 ត្រូវបានគេរកឃើញនៅទូទាំងតំបន់អង់គ្លេសចំនួន ៦ ដែលភាគច្រើននៅទីក្រុងឡុងដ៍នេះបើយោងតាមសុខភាពសាធារណៈអង់គ្លេស (PHE) ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមជម្រាបថា វីរុសបំប្លែងខ្លួនប្រភេទថ្មីនេះ ត្រូវបានគេរកឃើញជាលើកដំបូងនៅក្នុងប្រទេសកូឡុំប៊ី កាលពីខែមករា ហើយមន្រ្តីនៅទីក្រុងម៉ៃអាមី ( Miami) សហរដ្ឋអាមេរិកថ្មីៗនេះ បាននិយាយថាវាមានប្រហែល ១០ ភាគរយនៃករណីទាំងអស់នៅទីនោះ។

យោងតាមក្រសួងសុខភាពសាធារណៈអង់គ្លេស បានថ្លែងថា មន្ត្រីសុខាភិបាល នៅមិនទាន់ដឹងគ្រប់គ្រាន់អំពីមេរោគបំប្លែងខ្លួនថ្មីនេះ​ ឬសមត្ថភាពនៃវ៉ាក់សាំងប្រឆាំងនឹងវានោះទេ ប៉ុន្តែមិនមានភស្តុតាងណាមួយដែលបង្ហាញថា វាអាចចម្លងបានលឿននិងច្រើនជាងវីរុសបំប្លែង Delta ដែលកំពុងសារាចរលេចធ្លោដូចបច្ចុប្បន្ននោះទេ។

ក្រសួងសុខភាពសាធារណៈ បានថ្លែងថា ក្រសួងបានរកឃើញ ៣៧ ករណីត្រូវបានបញ្ជាក់គិតត្រឹមថ្ងៃពុធពោលគឺកើនឡើងពី ១៦ សប្តាហ៍មុន។

បន្ទាប់ពីការវាយតម្លៃហានិភ័យ ក្រសួងសុខភាពសាធារណៈ បាននិយាយថា មានភស្តុតាងមន្ទីរពិសោធន៍បឋមដែលបង្ហាញថា ការចាក់វ៉ាក់សាំងមានប្រសិទ្ធភាពតិចក្នុងការការពារការឆ្លងមេរោគបំប្លែងថ្មីប្រភេទ VUI-21JUL-01៕

ប្រភព៖ Mirror