ប្រសើរណាស់! វ៉ាក់សាំង Astra Zeneca ចំនួន២ម៉ឺនដូសដឹកតាមឧទ្ធម្ភាកចក្របានទៅដល់បាត់ដំបងហើយ

បាត់ដំបង: កាលពីព្រឹកមិញនេះ វ៉ាក់សាំងAstra Zeneca ពីរម៉ឺន​ដូស​ត្រូវ​បាន​ដឹកតាមឧទ្ធម្ភាគចក្រទៅដល់ខេត្តបាត់ដំបងរួចហើយ ស្របតាមប្រសាសន៍ណែនាំដ៏ខ្ពង់ខ្ពស់របស់សម្តេចតេជោ​ តាមរយៈ​លោកជំទាវ​ ឱ​ វណ្ណឌីន​ រដ្ឋលេខាធិការ​ និងជាប្រធាន​ គវក១៩​ តម្រូវឱ្យខេត្តជាប់ព្រំដែនទាំងអស់ធ្វេីពិធីបេីក​ និងចាក់វ៉ាក់សាំងជំរុញដូសទី៣​ ជូនមន្ត្រីរាជការស៊ីវិលតាមខេត្ត នៅថ្ងៃទី០៨​ សីហា​ ២០២១​ ។

សូមរំលឹកផងដែលថា ក្រោយរកឃើញវីរុសបម្លែងថ្មីប្រភេទដែលតា លើប្រជាជនកម្ពុជារួចមក ប្រមុខរដ្ឋាភិបាលនៃព្រះរាជាណាចក្រកម្ពុជា សម្តេចអគ្គមហាសេនាធិបតីតេជោហ៊ុន នាយករដ្ឋមន្ត្រីនៃព្រះរាជាណាចក្រកម្ពុជា បានចេញសេចក្តីសម្រេចបិទខ្ទប់ខេត្តចំនួន៨នៅតំបន់ព្រំដែនកម្ពុជាថៃ ដើម្បីជាយន្តការឆ្លើយតបបន្ទាន់ ក្នុងការទប់ស្កាត់នូវវីរុសបម្លែងខ្លួនថ្មីនេះ កុំឲ្យឆ្លងចូលមកក្នុងសហគមន៍ ដែលអាចបង្កជាហានិភ័យទៅលើអាត្រាអ្នកឆ្លងថ្មីនៅកម្ពុជា៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

• រូបភាព