អ្នកភ្នំពេញដែលមិនទាន់ចាក់វ៉ាក់សាំងកូវីដ១៩ អាចទៅចាក់នៅទីតាំងទាំងនេះបាន

ភ្នំពេញ៖ កាលពីពេលថ្មីៗនេះ អនុគណៈកម្មការស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ១៩ បានអំពាវនាវដល់បងប្អូនដែលមិនទាន់បានចាក់វ៉ាក់សាំងកូវីដ១៩ មកទទួលវ៉ាក់សាំងឱ្យបានទាន់ពេលវេលាផងដែរ។

ដោយឡែក ប្រជាពលរដ្ឋដែលរស់នៅទីក្រុងភ្នំពេញ អាចទទួលបានការចាក់វ៉ាក់សាំងការពារជំងឺកូវីដ១៩ ចាប់ពីថ្ងៃទី ០៩ ខែសីហា ដល់ថ្ងៃទី ៨ ​កញ្ញា ឆ្នាំ២០២១ នៅទីតាំងមន្ទីរពេទ្យព្រះអង្គឌួង និងមជ្ឍមណ្ឌលជាតិគាំពារមាតា និងទារក (ពេទ្យជប៉ុន) ចាប់ពីពេលព្រឹកម៉ោង ០៨ៈ០០ ដល់ ម៉ោង១១ៈ០០ និងពេលរសៀល ម៉ោង១៤ៈ០០ ដល់ម៉ោង ១៦ៈ០០ ដោយកុំភ្លេចភ្ជាប់ទៅជាមួយនូវ អត្តសញ្ញាណប័ណ្ណ ឬ សំបុត្រកំណើត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ សូមពាក់ម៉ាស រក្សាគម្លាត និងឧស្សាហ៍លាងដៃ ពេលទៅចាក់វ៉ាក់សាំង៕

សូមទស្សនារូបភាពខាងក្រោម៖