ក្នុងចំណោមក្មេងកំព្រារាប់រយនាក់ តារាសម្តែង Angelina Jolie ជ្រើសរើស​ Maddox មកចិញ្ចឹម ព្រោះតែហេតុផលថា....

បរទេស៖ ក្មេងប្រុស Maddox ដែលជា កូនប្រុសចិញ្ចឹមរបស់តារាសម្តែង Angelina Jolie កំពុងចម្រើនវ័យធំលូតលាស់យ៉ាងសង្ហា ដោយបច្ចុប្បន្ន ក៏ជានិស្សិតមហាវិទ្យាល័យ ហើយមានជីវិតពេញដោយក្តីស្រឡាញ់ជាមួយក្រុមគ្រួសារ ទោះបីជាមិនមែនកូនជាប់សាច់ឈាមជាមួយតារាស្រីរូបនេះក៏ដោយ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្តែង កាលពីថ្មីៗនេះ លោក មួន សារ៉ាត់ ដែលត្រូវបានស្គាល់ថា ជាមិត្តភក្តិ និងជាដៃគូជំនួញរបស់ Angelina បានលាតត្រដាង ថាតារាសម្តែងហូលីវូដកូន ៦រូបនេះ មានការលំបាកជាច្រើន នៅពេលយក Maddox ទៅចិញ្ចឹមនៅឆ្នាំ ២០០២។

ការពិតដែលកូនប្រុសច្បងរបស់តារាស្រីរូបនេះ មានពុកចិញ្ចឹមនៅកម្ពុជា ដែលជាលោក មួន សារ៉ាត់ ដែលជាអ្នក បានជួយ Angelina ក្នុងការសម្រួល នៃបញ្ហាច្បាប់ជាច្រើន ដែលនាងប្រឈមមុខក្នុងនាមជាជនបរទេសជាពិសេសនៅពេលដែលរដ្ឋាភិបាលកំពុងបង្ក្រាបការជួញដូរកុមារអន្តរជាតិ ក្នុងកំឡុងពេលនាងចង់បាន Maddox យកទៅចិញ្ចឹម។

នេះបើតាមប្រភពដដែលបានបន្តថា នៅក្នុងសៀវភៅគ្រួសារ Maddox គឺជាកូនចិញ្ចឹម និងជាកូនទីបីរបស់លោក មួន សារ៉ាត់។ បន្ទាប់មកលោក បានចុះហត្ថលេខាលើឯកសារមួយដើម្បីឱ្យ អ្នកម៉ាក់កូន ៦ រូបនេះ ទទួលយកកូនចិញ្ចឹមរូបនេះពីលោក ថែមទាំង បានជួយដោះស្រាយបញ្ហាផ្លូវច្បាប់របស់នាងផងដែរ។ 

ក្នុងនោះផងដែរ លោក ក៏បានបន្ថែមទៀតថា អតីតភរិយា​ Brad Pitt ចាប់ចិត្តនឹងប្រទេសកម្ពុជាខ្លាំង ព្រោះនាងស្រឡាញ់ប្រទេសនេះមែនទែន បន្ទាប់ពីមកទីនេះដើម្បីថតរឿង «Secret of the Ancient Tomb» ក្នុងកំឡុងពេលឆ្នាំ ២០០០ ។

បន្ទាប់ពីបានចុះទស្សនិកិច្ចរួចមក តារាស្រីរូបនេះ បានមើលឃើញ កុមារជាច្រើនដែលជួបការលំបាក នឹងត្រូវចាំបាច់មើលថែជាចាំបាច់ ដោយនៅពេលនោះនាងចង់ក្លាយជាម្តាយ ប៉ុន្តែនាងគិតថាវាមិនប្រសើរ ដែលត្រូវធ្វើជាម្តាយរបស់កូនដែលត្រូវពរពោះ ដែលជាមូលហេតុដែលនាងសម្រេចចិត្តជ្រើសរើសផ្លូវយកកូនចិញ្ចឹមវិញ។

មិនត្រឹមតែប៉ុណ្ណោះ រូបលោក ក៏បានរៀបរ៉ាប់ថា Angelina Jolie បានជ្រើសរើស Maddox ក្នុងចំណោមក្មេងកំព្រាជាច្រើនទៀតដោយសារ តែនាងលង់ស្នេហ៍គេជាលើកដំបូងដែលនាងបានជួប។ លោកសារ៉ាត់ បានចែករំលែកថា៖

ដូចគ្នានេះដែរ លោកសារ៉ាត់ បានបន្ថែមថា ក្នុងនាមជាអតីតពុកចិញ្ចឹម មានមោទនភាព និងសប្បាយរីករាយដោយសា Maddox បានធំដឹងក្តីក្នុងជីវិតថ្នាក់ខ្ពស់បែបនេះ ហើយកុមារជាច្រើនទៀតមិនមានឱកាសនោះទេ។ លោកក៏ធ្លាប់គិតដែរថា ប្រសិនបើ Maddox មិនត្រូវបាន Angie យកទៅចិញ្ចឹមនោះ ប្រហែលជាក្លាយជាក្មេងតាមចិញ្ចើមថ្នល់ធ្លាក់ខ្លួនដូចក្មេងកំព្រាជាច្រើនទៀត ដូច្នេះដែរ។

ជាចុងក្រោយ លោកសង្ឃឹមថា Maddox នឹងត្រលប់ទៅស្រុកកំណើតមាតុភូមិស្រុកកំណើតវិញ ស្វែងយល់ពីវប្បធម៌ដើមកំណើត និងជួយសហគមន៍ នេះតាមដែលលោកដឹង Angelina Jolie មានគម្រោងវិលត្រឡប់មកប្រទេសកម្ពុជាជាមួយកូនៗជាច្រើនដងដែរ៕

• តារាអន្តរជាតិ