មិនប្រាកដថាតែងខ្លួនស្អាតហើយគេសរសើរទេ Fan Bingbing ត្រូវគេជេរដោយតែរឿងនេះទៅវិញ

ចិន៖ ទោះជាបច្ចុប្បន្ននេះ តារាស្រី Fan Bingbing មិនអាចចូលប្រឡូកនៅក្នុងសិល្បៈដូចមុន តែនាងស្រាប់តែបានយកចិត្តទុកដាក់ទៅលើមុខជំនួញថ្មីពីផលិតផលគ្រឿងសម្អាង ហើយថ្មីៗនេះ តារាស្រីរូបនេះ ក៏បានធ្វើការស្រាវជ្រាវ និងផលិតគ្រឿងរក្សាសម្រស់ដែលជាប៊្រេនរបស់នាងផ្ទាល់។

យ៉ាងណាមិញ នៅក្នុងនោះដែរ ក៏មានស៊េរីរូបថតពីតារាស្រី Fan Bingbing នៅក្នុងឈុតពណ៌ស ដែលកំពុងតែធ្វើឲ្យទស្សនិកជនផ្ទុះការចាប់អារម្មណ៍ជាមួយនឹងការបង្ហាញពីស្បែកសម៉ត់រលោងភ្លឺថ្លា និងមានភាពវ័យក្មេងស្របពេលមានអាយុ ៤០ ឆ្នាំទៅហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ទោះជា មានមតិសរសើរពីមហាជនជាច្រើនទៅលើការបង្ហាញសម្រស់លើកនេះក៏ពិតមែន តែជាមួយគ្នានោះ រូបនាងក៏ទទួលបាននូវការវិះគន់មកវិញ ថែមទៀតផង។ ដោយយោងទៅតាមអ្នកទស្សនាមួយចំនួនទៀត បន្ទាប់ពីមានរូបភាព Fan Bingbing បានចូលក្នុងបន្ទប់ពិសោធនោះ ហើយក៏បានលើកឡើងថា តារាស្រីរូបនេះ ចូលក្នុងបន្ទប់ធ្វើការពិសោធ ដោយគ្មានចំណេះដឹងផ្នែកវិទ្យាសាស្ត្រ និងរូបមន្តគីមី ក្នុងការធ្វើផលិតគ្រឿងសម្អាងនោះទេ ដោយគ្រាន់តែចូលទៅដើម្បីថតរូបតែប៉ុណ្ណោះ។ 

អ្វីដែលគួរឲ្យកត់សម្គាល់ជាងនេះទៅទៀត ខណៈពេលកំពុងនៅក្នុងបន្ទប់ពិសោធ Fan Bingbing មិនបានប្រើសូម្បីតែស្រោមដៃ ឬក៏ម៉ាសការពារ ដែលជាហេតុធ្វើឲ្យនាងទទួលបាននូវមតិមិនល្អពីមហាជន ផងដែរ៕ 

ប្រភព៖ Eva.vn

សូមទស្សនារូបភាពខាងក្រោម៖ 

• តារាចិន