ព្រោះតែរឿងអាស្រូវធ្វើឲ្យមានទោសជាប់ខ្លួនហើយ Kris ត្រូវសងសំណងរហូតដល់រាប់លានដុល្លារ

ចិន៖ ដូចដែលបានដឹងស្រាប់មកហើយ ដោយកាលពីមុនមកនេះ នៅក្នុងថ្ងៃទី ១៩ ខែកក្កដា លោក Wu Yifan ត្រូវបានចោទប្រកាន់ភ្លាមៗ ពីបទរំលោភសេពសន្ថវៈ អនីតិជន ដែលបានធ្វើឲ្យក្រុមហ៊ុនម៉ាកយីហោល្បីៗ សរុបប្រមាណ ១៥ បានប្រកាសបញ្ចប់កិច្ចសន្យាជាមួយលោក ហើយភាពយន្តដែលសម្តែងដោយតារាប្រុសរូបនេះ ក៏ត្រូវបានដកចេញពីគ្រប់វេទិកាទាំងអស់នៅក្នុងប្រទេសចិន ថែមទៀតផង។

កាលពីថ្មីៗនេះ​ យោងទៅតាមសារព័ត៌មានក្នុងស្រុក ស្រាប់តែបានរាយការណ៍ឲ្យដឹងថា រឿងអាស្រូវផ្លូវភេទរបស់តារាចម្រៀងប្រុសរូបនេះ បានធ្វើឱ្យម៉ាកយីហោដែលបានសហការជាមួយលោក ទទួលរងការនូវការខូចខាតយ៉ាងធ្ងន់ធ្ងរ ដោយនៅក្នុងនោះ តារាប្រុសរូបនេះ នឹងត្រូវសងសំណងក្នុងចំនួនទឹកប្រាក់ទៅដល់ក្រុមហ៊ុនម៉ាកយីហោទាំងនោះ រហូតដល់ ៧៧ លានដុល្លាអាមេរិក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ យោងតាមប្រភពដដែលនេះ បានឲ្យដឹងទៀតថា ខ្សែភាពយន្តថ្មីដែលលោកបានសម្តែង ជាមួយនឹង តារាស្រី Yang Zi ក៏រងផលប៉ះពាល់យ៉ាងខ្លាំង ដោយនៅក្នុងគេហទំព័ររបស់ខ្សែភាពយន្តមួយនេះ ត្រូវបានលុបចោលនូវអត្ថបទទាំងអស់ដែលទាក់ទងនឹង Wu Yifan ហើយកំពុងប្រឈមនឹងការហាមឃាត់មិនឱ្យចាក់ផ្សាយ ផងដែរ៕ 

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន