ថ្ងៃប្រកួតកាន់តែកៀក បេក្ខនារីខ្មែរ-កម្ពុជាក្រោមរូបនេះ ផ្ទុះការគាំទ្រខ្លាំង ដល់ថ្នាក់រំពឹងក្លាយជា ម្ចាស់មកុដ

រាជធានីភ្នំពេញ ៖ ពិតមែនហើយ ឆ្នាំនេះខុសប្លែកពីឆ្នាំមុនៗ ត្រង់ថា ឆ្នាំនេះ មានបេក្ខនារីជា ខ្មែរ-កម្ពុជាក្រោមដំបូងហើយ ដែលបានដាក់ពាក្យចូលរួម ក្នុងការប្រកួតសម្រស់ Miss Universe Cambodia ដែលធ្វើឲ្យ មហាជនចាប់អារម្មណ៍ជាខ្លាំង។

ជាមួយគ្នានេះ មានទំព័រហ្វេសប៊ុក ហ្វេនៗរបស់បវរកញ្ញាខ្មែរជាច្រើន ហាក់ក៏កំពុងតែ ចាប់អារម្មណ៍នឹងបេក្ខនារីរូបនេះ ជាច្រើន ដោយក្នុងនោះ មានទំព័រហ្វេសប៊ុកខ្លះ បានបង្ហោះពីប្រវត្តិសង្ខេបខ្លះៗពីរូបនាង ម្តងហើយម្តងទៀត និងទំព័រហ្វេសប៊ុកខ្លះទៀត ដល់ថ្នាក់រំពឹងថា បេក្ខនារីខ្មែរ-កម្ពុជាក្រោម រូបនេះនឹង អាចក្លាយជា ម្ចាស់មកុដក្នុង ការប្រកួតដែលខិតជិតមកដល់នេះ ថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ថា រូបនាងមានឈ្មោះថា ឈុន ស្រីណែត ជាបេក្ខនារីម្នាក់ ក្នុងចំណោមបេក្ខនារីផ្សេងៗទៀត ដែលបានដាក់ពាក្យចូលរួមក្នុងការប្រកួតនេះ រូបនាង មានអាយុ ២៥ឆ្នាំ កម្ពស់ ១,៦៥ម៉ែត្រ​ ទម្ងន់៥០គីឡូក្រាម ចំណែកឯ មុខរបរសព្វថ្ងៃរូបនាង ធ្លាប់បង្ហើបប្រាប់ថា ខ្លួនជាគ្រូហាត់ប្រាណ ដូច្នេះហើយ គ្មានចម្ងល់អ្វីទេ ហេតុអ្វីបានជារាងរូវរបស់ ស្រីណែត ទាក់ទាញខ្លាំងបែបនេះ។ 

តែយ៉ាងណាក្តី បើទោះបីជា លទ្ធផលក្នុងការប្រកួតនឹងទៅជាយ៉ាងណានោះ ហ្វេនៗរបស់រូបនាងទាំងអស់ នៅតែបន្តគាំទ្ររូបនាង ដូចពេលមុនៗដដែល៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• ការងារ
• ជីវិត
• រូបភាព
• តារាខ្មែរ