ស្រីស្អាតក៏ចេះភ្លាត់ស្នៀត! រូបភាពមួយនេះ ស្ទើរធ្វើឲ្យ ហាន់ ជីអ៊ុន មិនចង់ចងចាំក្នុងឆាកជីវិត

កូរ៉េខាងត្បូង៖ ទោះបីសព្វថ្ងៃ តារាសម្ដែងដ៏មានប្រជាប្រិយភាពរបស់កូរ៉េ Song Hye Kyo នាងបានជាប់ឈ្មោះជាស្រីមេម៉ាយពិតមែន ប៉ុន្តែនាងនៅតែអាចថែរក្សាសម្រស់បានយ៉ាងស្រស់ស្អាត និងនៅតែល្បីល្បាញ អ្នកណាៗក៏ពោលសរសើរពីសម្រស់ដ៏ក្មេងជាងវ័យរបស់នាងមិនដាច់ពីមាត់នោះឡើយ។

ទន្ទឹមនឹងនេះដែរ បើទោះបីជាត្រូវបានមហាជនសរសើរថាជាស្រីស្អាតក្នុងពិភពសិល្បៈពិតមែន ប៉ុន្តែ Song Hye Kyo ឬគ្រប់គ្នាស្គាល់ថា ហាន់ជីអ៊ុន ក៏ធ្លាប់មានប្រវត្តិតែងខ្លួនមិនស្អាត មិនលេចធ្លោរផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង បើងាកទៅមើលកាលពី១៤ ឆ្នាំមុន អ្នកមេម៉ាយអតីតភរិយាតារាប្រុស Song Joong Ki រូបនេះ បានចូលរួមមហោស្រពភាពយន្តហុងកុងលើកទី ២៦ ហើយធ្វើឲ្យគ្រប់គ្នាក្នុងពិធីមានការចាប់អារម្មណ៍ខ្លាំង។ ព្រោះពេលនោះនាងមានការតុបតែងខ្លួនរាងខុសបច្ចេកទេសបន្តិច ផាត់មុខស្លេកៗ ធ្វើសក់រួញអង្កាញ់ៗហាក់ដូចជាបុរាណខ្លាំងតែម្ដង។ បូករួមនឹងការស្លៀកពាក់រ៉ូបពណ៌សចងពុមរលុងៗ និងមានឌិនជាអង្កាំនៅលើទ្រូងនៃរ៉ូបថែមទៀតនោះ ទើបមើលទៅ Song Hye Kyo  មិនសូវទាក់ទាញ និងថែមទាំងរងពាក្យរិះគន់ជាច្រើនកាលគ្រានោះ រហូតអាចនឹងធ្វើឲ្យនាងមានការបាក់មុខ និងស្ទើរមិនចង់ចងចាំរូបភាពមួយនោះទៀតសោះក្នុងឆាកជីវិតរបស់នាងថែមទៀតផង៕

ប្រិយមិត្តយល់យ៉ាងណាដែរ? ទស្សនារូបភាពខាងក្រោម៖

ប្រភព៖ Kenh14

• រូបភាព
• តារាកូរ៉េ