មិនចប់ទេមើលទៅ! Kris ត្រូវមេធាវីបញ្ជាក់ពីករណីបំ.ពានផ្លូវ.ភេទមួយទៅលើក្មេងស្រីនៅអាមេរិក?

ចិន៖ ថ្មីៗនេះ យោងតាមប្រភពមួយ នៅលើ Weibo នៃសហគមន៍ជនជាតិចិននៅអាមេរិក ខាងមេធាវីបានធ្វើការបញ្ជាក់ថា តារាចម្រៀងប្រុស លោក Wu Yifan ត្រូវបានជាប់ក្នុងករណីសង្ស័យថា បានចាប់រំលោភអនីតិជននៅទីក្រុង Los Angeles ។

យោងតាម មេធាវី Wang Jing នៅរដ្ឋ California បាននិយាយថា កាលពីច្រើនឆ្នាំមុន តារាចម្រៀងប្រុស លោក Wu Yifan បានទៅទីក្រុង Los Angeles ដើម្បីរៀបចំការជ្រើសរើសបុគ្គលិក។ នៅក្នុងនោះ តារាប្រុសរូបនេះ ត្រូវបានគេសង្ស័យថា បានរួមភេទជាមួយសិស្សចិនម្នាក់ ដែលមិនទាន់គ្រប់អាយុនៅខណៈពេលនោះ ហើយឥឡូវនេះ ជនរងគ្រោះក្លាយជាមនុស្សពេញវ័យ និងបានទាក់ទងទៅមេធាវី ដោយចង់ដាក់ពាក្យបណ្តឹង ទៅលើ លោក Wu Yifan ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត តាមរយៈគណនីរបស់ជនរងគ្រោះ លោក Wu Yifan បានទៅទីក្រុង Los Angeles ដើម្បីដំណើរកម្សាន្ត និងរៀបចំកម្មវិធីជួបជុំហ្វេនៗ នៅពេលនោះដែរ ក្មេងស្រីម្នាក់នេះបានមកធ្វើជាអ្នកគាំទ្រ និងមានសំណាងបានធ្វើជាមិត្តភក្តិជាមួយនឹង Wu Yifan តាមរយៈកម្មវិធីជជែកតាមអ៊ីនធើណេត ដោយនៅជំហានបន្ទាប់នៃការណាត់ជួបគ្នា ក្មេងស្រីរូបនេះ ក៏ត្រូវបានតារាប្រុសរូបនេះ ចាប់រំលោភ។

យ៉ាងណាមិញ ដើម្បីការពារឯកជនភាព ខាងមេធាវីមិនបានបង្ហាញឈ្មោះអ្នកគាំទ្រស្រីម្នាក់នេះ ក៏ដូចជាព័ត៌មានលំអិតអំពីករណីនោះទេ ដោយគ្រាន់តែនិយាយថា ជនរងគ្រោះគឺជាសិស្សសាលាជនជាតិចិនម្នាក់ដែលក្នុងពេលមានរឿងកើតឡើង នាងមានអាយុក្រោម ១៨ ឆ្នាំ ហើយបច្ចុប្បន្ននេះ ករណីមួយនេះ ក៏កំពុងស្ថិតនៅក្នុងការស៊ើបអង្កេត ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន