ពុទ្ធោ! ក្តៅៗ ពេលនេះ Seungri ត្រូវតុលាការ ប្រកាសដាក់ពន្ធនាគារ៣ឆ្នាំ និងបង់ប្រាក់ពិន័យជិត១លានដុល្លារ

កូរ៉េខាងត្បូង៖ យោងតាមសារព័ត៌មាន SBS នៅថ្ងៃទី ១២ ខែសីហា បានចុះផ្សាយមកថា អតីតសមាជិកក្រុម Big Bang លោក Seungri ត្រូវបានតុលាការយោធាកាត់ទោសឱ្យជាប់ពន្ធនាគារ ៣ ឆ្នាំហើយត្រូវបានចាប់ខ្លួនជាផ្លូវការតាមច្បាប់ក្រោមការចោទប្រកាន់ពីបទជូញដូរ ពេស្យាចារ និងល្បែងស៊ីសងខុសច្បាប់។

មិនត្រឹមតែប៉ុណ្ណោះ តារាប្រុសរូបនេះ ក៏ត្រូវបានបង្គាប់ ឱ្យបង់ប្រាក់ពិន័យចំនួន ១.១៥ ពាន់លានវ៉ុន (៩៨៨.៦២៧.១៧ ដុល្លារ) ។ ដោយកាលពីមុន រូបលោក ប្រឈមមុខនឹងការជាប់ពន្ធនាគាររហូតដល់ ៥ ឆ្នាំពីបទចោទប្រកាន់ករណីមួយនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ តុលាការបានសម្រេចថា តារាប្រុសវ័យ ៣០ឆ្នាំរូបនេះ បានធ្វើខុសច្បាប់ ដោយបានជួញដូរផ្លូវភេទ ម្តងហើយ ម្តងទៀត សម្រាប់វិនិយោគិនបរទេស ដោយទទួលបានអត្ថប្រយោជន៍ពីឧក្រិដ្ឋកម្ម ដែលប្រព្រឹត្ត ក្នុងការរកស៊ីផ្លូវភេទ ជាពិសេសនោះ បានរំលោភលើច្បាប់ទំនៀមទម្លាប់មិនតូចតាចឡើយ ក្នុងការប៉ះពាល់ដល់សង្គមទាំងមូល។

គួររំលឹកផងដែរ ចាប់តាំងពីរឿងអាស្រូវរឿង «Burning Sun» នៅឆ្នាំ ២០១៩ Seungri កំពុងស្ថិតក្រោមការស៊ើបអង្កេត និងជំនុំជម្រះពីបទសញ្ចារកម្ម និងការជួញដូរផ្លូវភេទ ការកិបកេងលុយអាជីវកម្ម ការប៉ុនប៉ងបំផ្លាញភស្តុតាងការចែកចាយវីដេអូថតចម្លងការថតវីដេអូខុសច្បាប់ ការលេងល្បែងខុសច្បាប់ និងការរំលោភបំពានអាហារ ច្បាប់អនាម័យជាដើម៕

ប្រភព៖ Allkpop

សូមទស្សនារូបភាពខាងក្រោម៖

• តារាកូរ៉េ