ប៉ាៗ YG អ្នកបង្កើតក្រុមនារី BLACKPINK បដិសេធការចោទប្រកាន់ពាក់ព័ន្ធទៅនឹងរឿងរ៉ាវប្រើប្រាស់គ្រឿងញៀនរបស់ B.I

កូរ៉េខាងត្បូង៖ នៅព្រឹកថ្ងៃទី ១៣ ខែសីហា តំណាងចុងចោទរបស់លោក Yang Hyun Suk បានចូលរួមសវនាការនៅតុលាការដំបូងក្នុងសំណុំរឿងបន្តរបស់អតីត CEO ផលិតកម្ម​ YG រូបនេះ ពាក់ព័ន្ធទៅនឹងការស៊ើបអង្កេតការប្រើប្រាស់គ្រឿងញៀនខុសច្បាប់របស់អតីតសមាជិក B.I ក្រុមចម្រៀងបុរស iKON។

ជាក់ស្តែងអ្នកតំណាងផ្នែកច្បាប់របស់ Yang Hyuk Suk បានចូលរួមសវនាការលើកដំបូងនៃសំណុំរឿងនេះហើយបានបដិសេធរាល់ការចោទប្រកាន់ដែលថា Yang Hyuk Suk គម្រាមកំហែងអ្នកផ្តល់ព័ត៌មាន «A» ដោយព្យាយាមបិទបាំងការប្រើប្រាស់គ្រឿងញៀនរបស់ B.I និងរារាំងប៉ូលីស ព្យាយាមបិទបាំង មិនឱ្យស៊ើបអង្កេតរឿងក្តីនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ ភាគីរបស់ Yang Hyun Suk បានបញ្ជាក់ថា វាជាការពិតដែលថាចុងចោទបានជួបជាមួយ លោក «A» ហើយពួកគេបាននិយាយជាលក្ខណៈឯកជន ប៉ុន្តែមិនមានការគម្រាមកំហែង ឬបង្ខំណាមួយបានកើតឡើយ ជាពិសេសនោះ​ អ្នកតំណាងក៏បានបន្ថែមថា នឹងសំណុំរឿងណា ក៏ដូចជាករណីផ្សេងទៀត ដែលមិនទាក់ទង មិនត្រូវចោទសួរនោះទេ។

ទោះជាយ៉ាងណា សវនាការបន្ទាប់របស់តុលាការនឹងប្រព្រឹត្តទៅនៅថ្ងៃទី ១៧ ខែកញ្ញា។ លោក Yang Hyun Suk នឹងមិនតម្រូវឱ្យចូលរួមសវនាការបន្តទៀតឡើយរហូតដល់ថ្ងៃសេចក្តីសម្រេចចុងក្រោយរបស់តុលាការ៕

ប្រភព៖ Koreaboo

សូមទស្សនារូបភាពខាងក្រោម៖

• តារាកូរ៉េ