អ្នកគាំទ្រ Taylor Swift ម្នាក់ ត្រូវបានចាប់ខ្លួន បន្ទាប់ពីលួចសម្រុកចូលផ្ទះនាងដោយឬកពារគួរឲ្យសង្ស័យ

បរទេស៖ កាលពីថ្ងៃទី ១៣ ខែសីហា ម្សិលមិញនេះ ប្រភពបរទេសបានរាយការថា លោក Patrick Nissen ដែលត្រូវជាអ្នកគាំទ្ររាប់សិបឆ្នាំម្នាក់របស់តារាចម្រៀង Taylor Swift ត្រូវបានប៉ូលីសចាប់ខ្លួនភ្លាមៗ ដោយសារតែបុរសម្នាក់នេះ បានលបលួចព្យាយាមសម្រុកចូលទៅក្នុងផ្ទះល្វែងរបស់តារាចម្រៀង Taylor Swift នៅអគារស្នាក់នៅ TriBeCa ។

ក្នុងហេតុការនេះទៀតសោត សន្តិសុខនៅអគារស្នាក់នៅរបស់ Taylor Swift ក៏បាននិយាយថាលោក Patrick Nissen នេះបានព្យាយាមសម្រុកចូលផ្ទះរបស់ Swift នៅវេលាម៉ោង ៧:៥៥ នាទីព្រឹក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សាក្សីបានឃើញនៅកន្លែងកើតហេតុ បាននិយាយថា មុនពេលចូលទៅក្នុងអាគារផ្ទះល្វែង បុរសម្នាក់នេះគេមានឬកពារប្លែកៗណាស់ៗ ហើយមានទឹកមុខមិនធម្មតា និងអង្គុយក្រវីក្បាលចុះឡើងៗនៅតាមចិញ្ចើមផ្លូវនិយាយម្នាក់ឯងដូចមនុស្សបាត់បង់សតិយ៉ាងដូច្នោះ។ ហើយបន្ទាប់មកទៀត គេក៏បានចោលភ្នែកសម្លឹកទៅមើលមនុស្សម្នានៅជុំវិញនោះ ដោយកែវភ្នែកក្រឡេបក្រឡាប់ៗ ហើយក៏បន្តសកម្មភាពសម្រុកស្ទុះចូលទៅក្នុងអគារនោះតែម្ដង។

គួរបញ្ជាក់ថា រហូតមកទល់ពេលនេះ Taylor Swift មិនមានការអើពើលើរឿងនេះសូម្បីបន្តិច តែបើយោងតាម សមត្ថកិច្ចបានឲ្យដឹងថា បុរសវ័យ ២៨ឆ្នាំរូបនេះ ត្រូវបានប៉ូលីសចាប់ខ្លួនហើយ និងកំពុងសាកសួររឿងហេតុពីគេនៅក្នុងបន្ទប់សាកសួរចម្លើយ៕

ប្រភព៖ Zing news

• តារាអន្តរជាតិ