ស្រលាញ់គ្នាយូរហើយ ចុងក្រោយ ទំនាក់ទំនង Pooklook និងគូស្នេហ៍បន្សល់ត្រឹមជាមិត្តនឹងគ្នា

ថៃ៖ អាចនិយាយបានថា គឺជាគូស្នេហ៍ដ៏ពេញនិយមមួយនៅក្នុងរង្វង់សិល្បៈ រវាង តារាស្រី Pooklook Fonthip និង លោក Mike ដែលតែងតែមានពេលវេលាដ៏ផ្អែមល្ហែមលើកមកបង្ហាញនៅលើបណ្ដាញសង្គមឲ្យហ្វេនៗទស្សនាយ៉ាងជក់ចិត្ត ប៉ុន្តែថ្មីៗនេះ តារាស្រី Pooklook ក៏បានចេញប្រកាសថា រវាងនាងនិងគូស្នេហ៍ បានត្រឹមតែជាមិត្តនឹងគ្នាទៅវិញ។ 

នៅក្នុងនោះដែរ នៅក្នុងកម្មវិធីសម្ភាសន៍មួយ តារាសម្ដែងស្រី Pooklook បានយល់ព្រមបើកចំហជាលើកដំបូង  បន្ទាប់ពីមិនទទួលយកការងារនៅក្នុងសិល្បៈកម្សាន្តអស់រយៈពេល ២ ខែមកហើយ ដោយរូបនាងបានរៀបរាប់ទាំងទឹកភ្នែក ពីការជួបព្យុះភ្លៀងនៅក្នុងជីវិត បង្ហាញពីអាការៈរបស់ម្ដាយខ្លួនបន្ទាប់ពីមានគ្រោះថ្នាក់។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែអ្វីដែលធ្វើឲ្យហ្វេនៗកាន់តែផ្ដោតអារម្មណ៍នោះគឺ Pooklook ថែមទាំងបានប្រកាស ស្នើសុំកាត់បន្ថយស្ថានភាពនៃទំនាក់ទំនងស្នេហារវាងនាង និង លោក Mike មកនៅត្រឹមតែជាមិត្តភក្តិនឹងគ្នា ព្រមទាំងជឿជាក់ថា នេះគឺជាគំនិតដ៏ល្អបំផុត ។ យ៉ាងណាមិញ ចំពោះរឿងរ៉ាវទាំងនេះ ក៏បានធ្វើឱ្យអ្នកគាំទ្រ រួមទាំងមិត្តៗរបស់នាងជាច្រើនទៀត បានផ្ញើការលើកទឹកចិត្ត ចំពោះនាងគ្រប់ៗគ្នា ផងដែរ៕ 

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ