កូនអាយុ ៣ឆ្នាំចូលរៀនមតេ្តយ្យ​ Cardi B ជះលុយ ក្បែរ ៥ម៉ឺនដុល្លារ ទិញកាបូប Hermès ឲ្យកូនភ្លែត

បរទេស៖ តារាចម្រៀងរ៉េប Cardi B បានធ្វើឱ្យមហាជន មានការចាប់អារម្មណ៍យ៉ាងខ្លាំង នៅពេលនាងជូនកាដូ ទៅកូនស្រីរបស់នាង ដែលមានអាយុ ៣ឆ្នាំ ដែលបានបង្ហោះ នៅលើ Instagram របស់នាងកាលពីថ្ងៃអង្គារពីថ្មីៗនេះ។

ជាក់ស្តែង កាដូមួយនេះ បានធ្វើឲ្យកូនស្រីរបស់នាង មានអាយុ ៣ឆ្នាំរូបនេះ មើលទៅមានភាពសប្បាយ និងរំភើបនៅពេល ដែលទទួលជាកាបូបយីហោ Hermès ជាមួយនឹងតម្លៃលក់រាយរហូតដល់រាប់សិបម៉ឺន ដុល្លារឯណោះ សម្រាប់រូបគេចូលរៀនសាលាមតេយ្យ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង អ្វីដែលចាប់អារម្មណ៍ កាបូប​ Hermès ពណ៌លឿងនេះ ត្រូវបានរចនាខុសប្លែក ពីកាបូបដទៃ ដែលគេត្រូវបានរាយការណ៍មកថា បានចំណាយពេលជាង ១០០ ម៉ោងដើម្បីដាំគ្រីស្តាល់ពណ៌ឥន្ធនូចំនួន ៣០.០០០ គ្រាប់ នៅលើកាបូបដោយដៃ ដែលវាមានតម្លៃរហូតទៅដល់៤៨.០០០ ដុល្លារ។

យ៉ាងណាមិញ យោងទៅតាមប្រភពមួយបានរាយការណ៍មកថា Cardi បានទូរស័ព្ទ ទៅអ្នកជំនាញ ឯកទេសលើផលិតផល Hermès បន្ទាប់ពី Kulture កូនស្រីរបស់នាង ប្រទះឃើញកាបូបឥន្ធនូតូចមួយនៅក្នុងតុក្តតា ហើយបានសុំឲ្យ Custom ចេញជាម៉ូដបែបនេះតែម្តង៕

ប្រភព៖ billboard

សូមទស្សនារូបភាពខាងក្រោម៖