កើតអីហ្នឹង? នៅសុខៗ Pat Napapa ចេញមកប្រកាសថា ឋានៈគូស្នេហ៍វ័យក្មេង នៅត្រឹមជាមិត្ត

ថៃ៖ បន្ទាប់ពីបានទាក់ទងមើលចិត្តគ្នាអស់មួយរយៈ ស្រាបតែកាលពីថ្មីៗនេះ តារាស្រី Pat Napapa ក៏បានចេញមកបើកចំហអំពីស្ថានភាពនៃទំនាក់ទំនងរវាងនាង គូស្នេហ៍វ័យក្មេង លោក Got ដែលធ្វើឱ្យមនុស្សជាច្រើនមានការភ្ញាក់ផ្អើល។

នៅក្នុងនោះដែរ Pat Napapha បានបង្ហាញនៅក្នុងកម្មវិធីជជែកកម្សាន្តមួយ ដោយបានបញ្ជាក់ថា នាងចង់កាត់បន្ថយឋានៈពីគូស្នេហ៍វ័យក្មេងរូបនេះ មកនៅត្រឹមតែជាមិត្តភក្តិនឹងគ្នា។ មិនត្រឹមតែប៉ុណ្ណោះ តារាស្រីរូបនេះក៏បានលើកឡើងទៀតថា កាលពីមុន នាងធ្លាប់គិតថាខ្លួនឯងមានភាពឯកា ដូច្នេះទើបព្យាយាមនិយាយស្វែងយល់ចិត្ត ប៉ុន្តែនៅពេលដែល យើងមានទំនាក់ទំនងនឹងគ្នាទៅ គឺគ្រាន់តែមានអារម្មណ៍ថារូបនាងគ្រាន់តែចង់មានមិត្តភក្តិបន្ថែមទៀតតែប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សម្រាប់ពេលនេះ Pat Napapa ក៏បានប្រាប់ទៅគូស្នេហ៍វ័យក្មេងរូបនេះដោយផ្ទាល់ថា អ្នកទាំងពីរ អាចធ្វើត្រឹមតែជាមិត្តនឹងគ្នា ដោយរូបនាងអាចទទួលយកបានត្រឹមនេះ ផងដែរ។ ជាពិសេស Pat Napapa ក៏បានបង្ហាញថា ការសម្រេចចិត្តមួយនេះគឺជារឿងសំខាន់ណាស់ ដោយសារតែមានរឿងជាច្រើនទៀតដែលនាងត្រូវទទួលខុសត្រូវ ម៉្យាងវិញទៀត សុភមង្គលនៅពេលនេះ គឺជាកូនប្រុសរបស់នាង ដោយរូបនាងផ្ទាល់មិនមានអារម្មណ៍អ្វីផ្សេងចំពោះបុរសណាម្នាក់ឡើយ៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ