ឥទ្ធិពលស្នេហ៍! Jennifer Lopez លុបដានស្នេហ៍ចាស់អស់រលីង ក្រោយ Ben Affleck ផ្គាប់ចិត្តវិមានតម្លៃរាប់លានដុល្លារ

បរទេស៖ នៅថ្ងៃទី ១៤ ខែសីហាសារព័ត៌មាន Us Weekly បានរាយការណ៍ថាJennifer Lopez បានលុបចោលអ្វីៗទាំងអស់ដែលទាក់ទងនឹង Alex Rodriguez  ដែលជាអតីតគូស្នេហ៍នៅលើទំព័រផ្ទាល់ខ្លួនរបស់នាង រួមទាំងរូបថតនៃថើបគ្នារបស់អ្នកទាំងពីរនៅថ្ងៃដែលលោក Joe Biden ឡើងកាន់តំណែងជាប្រធានាធិបតីអាមេរិកផងដែរ ។

លើសពីនេះ JLo ក៏បានចុចដើម្បីមិនតាមដានគណនីរបស់ Rodriguez ទៀតផង ដោយសកម្មភាពទាំងនេះរបស់នាង ត្រូវបានគេនិយាយថាលែងចង់មានទំនាក់ទំនងជាមួយអតីតស្នេហារបស់នាងទៀតហើយ ។ បើទោះបី អតីតកីឡាករបាល់បោះរូបនោះនៅតែរក្សាការតាមដាន លើតារាចម្រៀងស្រីរូបនេះដដែល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះដែរ Jennifer កំពុងពោរពេញដោយសុភមង្គលជាមួយ Ben Affleck បន្ទាប់ពីអ្នកទាំងពីរបានជួបជុំគ្នាវិញគឺមិនអាចបែកគ្នាបានឡើយ ពួកគេកាន់តែមានភាពស្និទ្ធស្នាលជាសាធារណៈដោយបើកចំហកាន់តែខ្លាំង ។

មិនតែប៉ុណ្ណោះ​កាលថ្ងៃទី ១០ ខែសីហាអ្នកថតរូបម្នាក់បានចាប់បាន Ben Affleck យក JLo ទៅមើលវិមានដ៏អស្ចារ្យដែលមានតម្លៃ ៨៥ លានដុល្លារដែលមានទីតាំងនៅ Beverly Hills សហរដ្ឋអាមេរិក៕

សូមទស្សនារូបភាពខាងក្រោម៖

ប្រភព៖zingnews

• តារាអន្តរជាតិ